Bihar Elections: బీహార్ ఎన్నికలు: ఎన్డీఏలో మొదలైన సీట్ల వివాదం

బీహార్ Bihar అసెంబ్లీ ఎన్నికలు దగ్గరపడుతున్న కొద్దీ ఎన్డీఏ NDA కూటమిలో సీట్ల కేటాయింపుపై విభేదాలు తలెత్తుతున్నాయి. హిందుస్థాన్ అవామ్ మోర్చా (హామ్) అధ్యక్షుడు, మాజీ ముఖ్యమంత్రి జితన్ రామ్ మాంఝీ Jitan Ram Manjhi సూటిగా అసంతృప్తిని వ్యక్తం చేశారు. తన పార్టీకి 15 అసెంబ్లీ స్థానాలు ఇవ్వకపోతే ఎన్నికల్లో పోటీ చేయమని, కానీ ఎన్డీఏ కూటమి నుంచి బయటకు రావడం లేదని ఆయన స్పష్టం చేశారు. తన డిమాండ్‌ను వినిపించేందుకు మాంఝీ వినూత్నమైన పద్ధతి అవలంబించారు. హిందీ కవి రామ్‌ధారి సింగ్ దిన్‌కర్ రచించిన ‘రష్మిరథి’ కవితను స్వల్పంగా మార్చి సోషల్ మీడియా ‘ఎక్స్’లో పోస్ట్ చేశారు. “పాండవులు ఐదు ఊళ్లు అడిగినట్టే, మేము 15 సీట్లు అడుగుతున్నాం… అంతే గౌరవం కావాలి, మిగతాది మీరే ఉంచుకోండి” అని ఆయన కవితారూపంలో వ్యాఖ్యానించారు. ఈ పోస్టు ఎన్డీఏలో రాజకీయ సందేశంగా మారింది.

Zubeen Garg: జుబీన్ గార్గ్ మృతి కేసులో DSP అరెస్ట్

Bihar Elections

తర్వాత మీడియాతో మాట్లాడిన మాంఝీ,

“మాకు గౌరవప్రదమైన స్థానాలు కావాలి. మా పార్టీని చిన్నచూపు చూడకూడదు. ఇవ్వకపోతే పోటీ చేయం కానీ ఎన్డీఏతోనే ఉంటాం. నాకు పదవి ఆశలు లేవు, మా పార్టీకి గుర్తింపు దక్కడమే ముఖ్యమని” అన్నారు.

మాంఝీ అసంతృప్తితో ఎన్డీఏలో కలకలం రేగింది. ఈ నేపథ్యంలో బీజేపీ అధిష్ఠానం అప్రమత్తమైంది. జాతీయ అధ్యక్షుడు జేపీ నడ్డా స్వయంగా మాంఝీకి ఫోన్ చేసి చర్చించినట్లు సమాచారం. బీహార్‌లో మొత్తం 243 అసెంబ్లీ స్థానాలు ఉండగా, జేడీయూ మరియు బీజేపీ చెరో 100 సీట్లలో పోటీ చేయాలని ప్రణాళిక. మిగతా సీట్లను మిత్రపక్షాలకు ఇవ్వాలన్న ఆలోచనలో ఉన్నారు. అయితే, ఈ ఫార్ములాలో మాంఝీ పార్టీకి కేవలం 10 సీట్లు, ఉపేంద్ర కుష్వాహా పార్టీకి 6 సీట్లు కేటాయించే అవకాశం ఉందని వార్తలు వచ్చాయి. దీంతో మాంఝీ 15 సీట్ల డిమాండ్‌పై మరింత గట్టిగా నిలబడ్డారు. ఇక మరోవైపు చిరాగ్ పాశ్వాన్ నేతృత్వంలోని ఎల్‌జేపీ కూడా 40 సీట్లు కావాలని పట్టుబడుతుండటంతో, ఎన్డీఏలో సీట్ల సర్దుబాటు కత్తిమీద సాముగా మారింది. రాబోయే రోజుల్లో బీహార్ రాజకీయాల్లో ఈ వివాదం ఎలా పరిణమిస్తుందో చూడాలి.

జితన్ రామ్ మాంఝీ ఎందుకు అసంతృప్తి వ్యక్తం చేశారు?
తన పార్టీకి కనీసం 15 అసెంబ్లీ సీట్లు ఇవ్వకపోతే ఎన్నికల్లో పోటీ చేయమని, కానీ ఎన్డీఏలోనే కొనసాగుతామని ఆయన తెలిపారు.

మాంఝీ తన డిమాండ్‌ను ఎలా వ్యక్తపరిచారు?
ప్రముఖ కవి రామ్‌ధారి సింగ్ దిన్‌కర్ కవితను మార్చి, 15 సీట్లు అడుగుతున్నామంటూ సోషల్ మీడియాలో పోస్ట్ చేశారు.

Read hindi news: hindi.vaartha.com

EPaper: https://epaper.vaartha.com/