Bihar Elections: బీహార్ అసెంబ్లీ ఎన్నికల ప్రచారంలో పాల్గొన్న ఆంధ్రప్రదేశ్ మంత్రి నారా లోకేశ్,(Nara lokesh) ప్రజలకు కీలక సందేశం ఇచ్చారు. “ఎన్డీయేను గెలిపిస్తే బీహార్ సర్వతోముఖాభివృద్ధి సాధ్యం” అంటూ ఆయన విజ్ఞప్తి చేశారు. ఒకప్పుడు ఆంధ్రప్రదేశ్ ఓటర్లు “ఒక్క ఛాన్స్” పేరుతో చేసిన తప్పు బీహార్ ప్రజలు పునరావృతం చేయరాదని హెచ్చరించారు. లోకేశ్ మాట్లాడుతూ “2019లో ఆంధ్రప్రదేశ్ ప్రజలు ఒక్క ఛాన్స్ ఇచ్చి నష్టపోయారు. రాష్ట్రంలో పరిశ్రమలు పారిపోయాయి, శాంతిభద్రతలు దెబ్బతిన్నాయి. బీహార్లో అలాంటి పరిస్థితి రానివ్వకండి” అని అన్నారు. పాట్నాలో జరిగిన మీడియా సమావేశంలో ఆయన మాట్లాడుతూ, వికసిత్ భారత్ లక్ష్యం సాధనలో బీహార్ పాత్ర అత్యంత కీలకం అని స్పష్టం చేశారు.
Read also: Sugar Export: చక్కెర ఎగుమతులకు కేంద్రం గ్రీన్ సిగ్నల్
Bihar Elections: NDA గెలిస్తేనే బీహార్కు సర్వతోముఖాభివృద్ధి
నాయకత్వం మరియు అవినీతిరహిత పాలన: ప్రధాని నరేంద్ర మోదీ, సీఎం నితీశ్ కుమార్ నాయకత్వంలో బీహార్లో మార్పు సాధ్యమైందన్నారు. వీరి ‘డబుల్ ఇంజన్’ పాలన అభివృద్ధికి దోహదం చేసిందని తెలిపారు.
డబుల్ ఇంజన్ ప్రభుత్వం ప్రయోజనాలు: కేంద్రం మరియు రాష్ట్రం ఒకే కూటమికి చెందినప్పుడు బడ్జెట్ మద్దతు పెరుగుతుందని, పరిశ్రమలకు అనుకూల వాతావరణం ఏర్పడుతుందని అన్నారు.
ప్రభుత్వాల కొనసాగింపు: గుజరాత్, ఒడిశా వంటి రాష్ట్రాలు నిరంతర పాలనతో పురోగతి సాధించాయని, బీహార్ కూడా అదే దిశగా నడవాలని సూచించారు.
అసాధ్య హామీలను నమ్మవద్దని
Bihar Elections:: అంతేకాకుండా, కొన్ని పార్టీలు ఇచ్చే “ప్రతి ఇంటికి ఉద్యోగం” వంటి అసాధ్య హామీలను నమ్మవద్దని ఆయన హెచ్చరించారు. “బలమైన రాష్ట్రాల ద్వారానే భారత్ బలపడుతుంది” అని లోకేశ్ అన్నారు. ఈ సమావేశంలో బీహార్ మీడియా విభాగం హెడ్, ఎమ్మెల్సీ సంజయ్ మయూక్, ఎంపీలు సానా సతీష్, గంటి హరీశ్, మాజీ ఎంపీ జీవీఎల్ నరసింహరావు తదితరులు పాల్గొన్నారు.
Read hindi news: hindi.vaartha.com
Epaper: epaper.vaartha.com/
Read Also:
