తమిళనాడులోని కరూరులో తలపతి విజయ్ టీవీకే పార్టీ నిర్వహించిన కార్నర్ మీటింగ్ ఘోర విషాదానికి (TVK Rally Stampede) దారి తీసింది. పార్టీ పోలీసుల వద్ద ముందుగా అనుమతి తీసుకుని ఈ సమావేశం ఏర్పాటు చేసింది. అయితే అనుమతి కేవలం 10 వేల మందికి మాత్రమే ఇవ్వగా, అనూహ్యంగా విజయ్ అభిమానులు, కార్యకర్తలు లక్షల సంఖ్యలో తరలి రావడం పరిస్థితిని నియంత్రణలోకి రానీయలేదు. ఈ గందరగోళం చివరకు భయంకరమైన తొక్కిసలాటకు దారితీసింది.
తమిళ మీడియా ఛానళ్లు (Tamil Media) వెల్లడించిన వివరాల ప్రకారం, మీటింగ్కి 2 లక్షల మంది వరకు హాజరయ్యారు. చిన్న స్థలంలో ఇంతమంది చేరడంతో గాలికి కూడా తావులేని రద్దీ ఏర్పడింది. ప్రవేశ ద్వారాలు తక్కువగా ఉండటం, అత్యవసర మార్గాలు స్పష్టంగా లేకపోవడం వల్ల తొక్కిసలాట నియంత్రణలోకి రాలేదు. భద్రతా ఏర్పాట్లు తగినంతగా లేవని ప్రత్యక్ష సాక్షులు పేర్కొంటున్నారు. ఈ అనూహ్య జనసందోహం నిర్వాహకులను కూడా సతమతం చేసింది.
vaartha live news : vijay : టీవీకే అధినేత విజయ్ మీటింగ్లో తొక్కిసలాట : 31మంది మృతి
ఈ ఘటనలో 33 మంది ప్రాణాలు కోల్పోవడం రాష్ట్రవ్యాప్తంగా తీవ్ర దిగ్భ్రాంతిని కలిగించింది. మరణించిన వారిలో ఆరుగురు చిన్నారులు ఉండటం మరింత విషాదాన్ని మిగిల్చింది. గాయపడిన వారిని ఆసుపత్రులకు తరలించి వైద్యం అందిస్తున్నప్పటికీ, పరిస్థితి ఇంకా క్లిష్టంగానే ఉందని అధికారులు చెబుతున్నారు. ఈ సంఘటన భవిష్యత్తులో రాజకీయ, సామాజిక కార్యక్రమాలకు కచ్చితమైన ప్రణాళిక, భద్రతా ప్రమాణాలు ఎంత అవసరమో మరోసారి గుర్తు చేసింది.
