మోసాలను నివారించేందుకు కేంద్ర ప్రభుత్వం కీలక చర్యలు చేపట్టింది. (UIDAI )దేశవ్యాప్తంగా మరణించిన 2.5 కోట్లకు పైగా వ్యక్తుల ఆధార్ (Aadhaar) నంబర్లను డీయాక్టివేట్ చేసినట్లు కేంద్ర ఎలక్ట్రానిక్స్, ఐటీ శాఖ సహాయ మంత్రి జితిన్ ప్రసాద బుధవారం పార్లమెంటుకు వెల్లడించారు. ఆధార్ డేటాబేస్ ఖచ్చితత్వం, సమగ్రతను నిలబెట్టేందుకు చేపట్టిన దేశవ్యాప్త శుద్ధీకరణ కార్యక్రమంలో భాగంగానే ఈ చర్యలు తీసుకున్నట్లు ఆయన వివరించారు.
Read Also: EPFO: పీఎఫ్ ఖాతాదారులకు షాక్: తగ్గనున్న వడ్డీ రేట్లు?
ప్రపంచంలోనే అతిపెద్ద బయోమెట్రిక్ గుర్తింపు వ్యవస్థ అయిన ఆధార్ సుమారు 134 కోట్ల మంది వినియోగదారులను కలిగి ఉంది. మరణించిన వారి ఆధార్ నంబర్లను దుర్వినియోగం చేసి సంక్షేమ పథకాలను పొందడం, ఇతర మోసాలకు పాల్పడటం వంటివి నిరోధించడానికి ఈ డీయాక్టివేషన్ ప్రక్రియ చాలా అవసరమని మంత్రి పేర్కొన్నారు.
ఆధార్ దుర్వినియోగాన్ని నియంత్రించేందుకు భారత విశిష్ట గుర్తింపు ప్రాధికార సంస్థ (UIDAI) పలు భద్రతా చర్యలు అమలు చేస్తోందని జితిన్ ప్రసాద తెలిపారు. ఇందులో భాగంగా వినియోగదారులు తమ బయోమెట్రిక్ వివరాలకు లాక్ లేదా అన్లాక్ చేసుకునే సౌకర్యం, లావాదేవీల సమయంలో లబ్ధిదారు భౌతికంగా ఉన్నట్లు నిర్ధారించే ‘లైవ్నెస్ డిటెక్షన్’ ఫీచర్తో కూడిన ఫేస్ ఆథెంటికేషన్, ఆధార్ సెక్యూర్ క్యూఆర్ కోడ్, ఆఫ్లైన్ ఈ-కేవైసీ వంటి సదుపాయాలను అందుబాటులోకి తీసుకువచ్చినట్లు ఆయన వివరించారు. వినియోగదారుల ప్రధాన బయోమెట్రిక్ డేటాను UIDAI ఎవరితోనూ పంచుకోదని, ఆ సమాచారాన్ని ఎన్క్రిప్టెడ్ రూపంలో భద్రపరచడం తప్పనిసరిగా అమలు చేస్తున్నామని ఆయన స్పష్టం చేశారు.
Read hindi news : hindi.vaartha.com
Epaper : epapervaartha.com
Read Also:
