Tushar Gandhi: మహాత్మా గాంధీ మునిమనవడు తుషార్‌ గాంధీని ముంబై పోలీసులు శనివారం అదుపులోకి తీసుకున్నారు. ఢిల్లీలోని జంతర్‌ మంతర్‌ వద్ద కాక్రోచ్‌ జన్‌తా పార్టీ (సీజేపీ) మరియు వివిధ ప్రజా సంఘాలు తలపెట్టిన నిరసనకు మద్దతుగా, ముంబైలోని చారిత్రాత్మక ‘క్రాంతి మైదాన్‌’కు వెళ్తుండగా ఆయనను పోలీసులు అడ్డుకుని అరెస్ట్ చేశారు.
ఆందోళనకు పోలీసుల అనుమతి నిరాకరణ
‘హమ్‌ భారత్‌ కే లోగ్‌’ సంస్థకు అధ్యక్షుడిగా ఉన్న తుషార్‌ గాంధీ.. శనివారం మధ్యాహ్నం 3.30 గంటలకు క్రాంతి మైదాన్‌లో నిరసన కార్యక్రమం చేపట్టనున్నట్లు శుక్రవారం ‘ఎక్స్‌’ వేదికగా పిలుపునిచ్చారు. అయితే, ఈ కార్యక్రమానికి సంబంధించి గామ్‌దేవి పోలీస్‌ స్టేషన్‌ నుంచి ఎలాంటి ముందస్తు అనుమతి తీసుకోలేదని జోనల్‌ డీసీపీ రాగసుధ ఆర్‌ తెలిపారు. అంతేకాకుండా, క్రాంతి మైదాన్‌ నిరసనలకు అనువైన ప్రదేశం కాదని, అక్కడ ఆందోళనలు చేపట్టకూడదని హైకోర్టు స్పష్టమైన ఆదేశాలు ఉన్నాయని పేర్కొన్నారు.
Read also: Senior CPM leader M.A. Gafoor : సీపీఎం సీనియర్ నేత ఎం.ఏ. గఫూర్‌ కుమారుడు కాలిఫోర్నియాలో మృతి
Tushar Gandhi: ఢిల్లీలో కట్టుదిట్టమైన భద్రతా ఏర్పాట్లు
మరోవైపు, ఢిల్లీలోని జంతర్‌ మంతర్‌ వద్ద సీజేపీ, ‘ఆల్‌ ఇండియా స్టూడెంట్స్‌ అసోసియేషన్‌’ (ఐసా) తలపెట్టిన నిరసనల నేపథ్యంలో దేశ రాజధానిలో భద్రతను అత్యంత కట్టుదిట్టం చేశారు. ఓటర్ల జాబితాల్లో అవకతవకలు జరిగాయన్న తీవ్ర ఆరోపణలతో ప్రధాన ఎన్నికల కమిషనర్‌ జ్ఞానేశ్‌ కుమార్‌కు వ్యతిరేకంగా ఈ ఆందోళన చేపట్టాలని నిర్ణయించారు.
రవాణా మరియు మెట్రో సేవలపై ప్రభావం
ఈ నిరసనల కారణంగా ఢిల్లీ వ్యాప్తంగా సుమారు 20 వేల మందికి పైగా పోలీసులు, కేంద్ర బలగాలను మోహరించారు. భద్రతా చర్యల్లో భాగంగా శుక్రవారం రాత్రి నుంచే ఢిల్లీ మెట్రోలోని 45 స్టేషన్ల ప్రవేశ, నిష్క్రమణ ద్వారాలను మూసివేశారు. అలాగే, ఢిల్లీలోని రెండు ప్రధాన రైల్వే స్టేషన్లకు వెళ్లే పలు రైళ్ల సేవలను కూడా తాత్కాలికంగా రద్దు చేశారు. నిరసనకు అనుమతి లేనప్పటికీ నగరవ్యాప్తంగా హైఅలర్ట్ కొనసాగుతోంది.
Read Also hindi news: hindi.vaartha.com
Epaper: epaper.vaartha.com
Read also:
