Traffic Challan: చలాన్లపై భారీ డిస్కౌంట్: డిసెంబర్ 13లోక్ అదాలత్

పెండింగ్‌లో ఉన్న ట్రాఫిక్ చలాన్లను(Traffic Challan) క్లియర్ చేసుకోవాలనుకునే వాహనదారులకు డిసెంబర్ 13న జరిగే జాతీయ లోక్ అదాలత్ గొప్ప అవకాశం. ఈ కార్యక్రమంలో పెండింగ్ చలాన్లను, పెనాల్టీలను భారీ రాయితీలతో సెటిల్ చేసుకునే అవకాశం లభిస్తుంది. కొన్ని కేసుల్లో 50% నుంచి 100% వరకు డిస్కౌంట్లు ఇవ్వబడతాయి. సీటు బెల్ట్ పెట్టుకోకపోవడం, రెడ్ సిగ్నల్ దాటడం వంటి సాధారణ ట్రాఫిక్ ఉల్లంఘనలను లోక్ అదాలత్‌లో పరిష్కరించుకోవచ్చు. అయితే డ్రంక్ అండ్ డ్రైవింగ్, హిట్ అండ్ రన్, డేంజరస్ డ్రైవింగ్ వంటి తీవ్రమైన కేసులు ఈ పరిధిలోకి రావు.

చలాన్లను ఇలా సెటిల్ చేసుకోవచ్చు

ముందుగా వాహనంపై ఉన్న పెండింగ్ చలాన్లను తెలుసుకోవాలి.
- పరివాహన్ పోర్టల్ లేదా సంబంధిత రాష్ట్ర ట్రాఫిక్ వెబ్‌సైట్‌లో(Traffic Challan) వివరాలు అందుబాటులో ఉంటాయి.
అవసరమైతే టోకెన్ తీసుకోవాలి.
- NALSA వెబ్‌సైట్‌లో రిజిస్ట్రేషన్ చేసి టోకెన్ పొందవచ్చు.
నిర్ణయించిన సమయంలో RC, డ్రైవింగ్ లైసెన్స్, ఐడి ప్రూఫ్, చలాన్ కాపీలతో కోర్టుకు వెళ్లాలి.
జడ్జీలు, ట్రాఫిక్ అధికారులు నిర్ణయించిన మొత్తాన్ని క్యాష్ లేదా UPI ద్వారా చెల్లించాలి.
చెల్లింపు పూర్తయిన తర్వాత సెటిల్‌మెంట్ ఆర్డర్ జారీ చేయబడుతుంది.
- దీనితో సంబంధిత కేసు తిరిగి ఓపెన్ చేయబడదు.