Karnataka: కర్ణాటక రాష్ట్రంలోని(karnataka state) తుమకూరు జిల్లా దేవరాయణ దుర్గ ఆలయంలో ఘటన చోటుచేసుకుంది. ఆలయ పూజారి నాగభూషణాచార్యపై ఇద్దరు మహిళలు, ఇద్దరు యువకులు చేతులతో పాటు కర్రలతో దాడి చేశారు. వృద్ధుడైన పూజారిని కూడా నిర్దాక్షిణ్యంగా కొట్టడం అక్కడి భక్తులను షాక్కు గురిచేసింది. ఈ ఘటనకు సంబంధించిన వీడియో సోషల్ మీడియాలో వేగంగా వైరల్ అవుతోంది. వీడియోలో పూజారి తనను కొట్టవద్దని దండం పెట్టడం, ఒక మహిళ కాళ్లు మొక్కి వేడుకోవడం స్పష్టంగా కనిపిస్తోంది.
దాడి వెనక కారణం
మహిళ భక్తురాలిపై అసభ్యంగా ప్రవర్తించాడని ఆరోపణలతోనే ఈ దాడి జరిగినట్లు సమాచారం. అయితే, నాగభూషణాచార్య(Nagabhushanacharya) తనపై వచ్చిన ఆరోపణలను ఖండించారు. తాను కేవలం ఆలయ సంప్రదాయం ప్రకారం కుంకుమ పెట్టే విధానం పాటించానని, దానిని తప్పుగా అర్థం చేసుకున్నారని చెప్పారు.
పూజారి వివరణ
పూజారి మాట్లాడుతూ:
“నేను దాదాపు 25 సంవత్సరాలుగా ఆలయ సేవ చేస్తున్నాను. ఇప్పటివరకు ఎవరూ నా పట్ల చెడుగా ప్రవర్తించలేదు. నేను గౌరవంగా జీవించాను. ఈ సంఘటన నన్ను మానసికంగా కలిచివేసింది. ఉన్నతాధికారులకు, అలాగే పోలీసులకు ఫిర్యాదు చేసాను. నాకు న్యాయం కావాలి” అని తెలిపారు. ఈ ఘటనపై పోలీసులు ఇంకా కేసు నమోదు చేయలేదు. కానీ సంఘటన ఆలయాల్లో మహిళల భద్రత, పూజారుల ప్రవర్తన, భక్తుల విశ్వాసంపై చర్చకు దారితీసింది. నెటిజన్లు కూడా ఈ ఘటనపై తీవ్ర ఆగ్రహం వ్యక్తం చేస్తున్నారు.
పూజారి ఏం చెప్పారు?
తాను ఎలాంటి తప్పు చేయలేదని, కేవలం ఆలయ సంప్రదాయ ప్రకారం కుంకుమ పెట్టే విధానం పాటించానని, దాన్ని తప్పుగా అర్థం చేసుకున్నారని తెలిపారు.
పోలీసులు కేసు నమోదు చేశారా?
ఇప్పటివరకు పోలీసులు అధికారికంగా కేసు నమోదు చేయలేదు.
Read hindi news: hindi.vaartha.com
Read also:
