Tamil Nadu Delimitation: డీలిమిటేషన్‌పై తమిళనాడు అసెంబ్లీ సమరం

Tamil Nadu Delimitation: భారతదేశంలో రాబోయే నియోజకవర్గాల పునర్విభజన (Delimitation) ప్రక్రియకు వ్యతిరేకంగా తమిళనాడు శాసనసభ ఏకగ్రీవంగా కీలక తీర్మానాన్ని ప్రవేశపెట్టి ఆమోదించింది. జనాభా ప్రాతిపదికన చేపడుతున్న డీలిమిటేషన్ వల్ల జనాభా నియంత్రణను సమర్థవంతంగా అమలు చేసిన దక్షిణ భారతదేశ రాష్ట్రాలు రాజకీయంగా ప్రాతినిధ్యాన్ని కోల్పోయి తీవ్రంగా నష్టపోతాయని ఈ తీర్మానంలో పేర్కొన్నారు.

తీర్మానంలోని ప్రధాన డిమాండ్లు

లోక్‌సభలో ప్రస్తుతం ఉన్న 543 స్థానాల సంఖ్యను ఎలాంటి మార్పులు లేకుండా రాబోయే కాలంలో కూడా అలాగే కొనసాగించాలని కేంద్రాన్ని కోరారు. చట్టసభల్లో చట్టబద్ధం చేసిన 33% మహిళా రిజర్వేషన్‌ను నియోజకవర్గాల పునర్విభజన (డీలిమిటేషన్) ప్రాసెస్ పూర్తయ్యే వరకు ఆపకుండా, తక్షణమే అమలు చేయాలి. మహిళా రిజర్వేషన్‌ను డీలిమిటేషన్‌ ప్రక్రియతో ముడిపెట్టడం వల్ల దానికి అనవసరమైన ఆలస్యం జరుగుతోందని అభిప్రాయపడ్డారు.

Tamil Nadu Delimitation: డీలిమిటేషన్ ప్రభావంపై తమిళనాడు ప్రభుత్వం ఆందోళన

కుటుంబ నియంత్రణ, జనాభా నియంత్రణ విధానాలను విజయవంతంగా అమలు చేసిన తమిళనాడు, కేరళ, ఆంధ్రప్రదేశ్, తెలంగాణ మరియు కర్ణాటక వంటి రాష్ట్రాలు జనాభా ప్రాతిపదికన పార్లమెంట్ సీట్లను కోల్పోయే ప్రమాదం ఉందని అసెంబ్లీ ఆందోళన వ్యక్తం చేసింది. జనాభా విపరీతంగా పెరిగిన రాష్ట్రాలకు ఎక్కువ లోక్‌సభ స్థానాలు లభించి, జనాభాను అదుపు చేసిన అభివృద్ధి చెందిన రాష్ట్రాల ప్రాతినిధ్యం తగ్గడం సమాఖ్య స్ఫూర్తికి (Federalism) విఘాతమని తీర్మానంలో స్పష్టం చేశారు.