Sunita Williams : సునీత కు సాటి మరెవరూ లేరని చిరంజీవి ప్రశంస మెగాస్టార్ చిరంజీవి, భారతీయ మూలాలున్న అమెరికా వ్యోమగామి సునీతా విలియమ్స్ ధైర్యాన్ని ప్రశంసిస్తూ ఆసక్తికరమైన వ్యాఖ్యలు చేశారు. ఏకంగా 286 రోజుల పాటు అంతరిక్షంలో గడిపిన సునీతా విలియమ్స్ సహా మరో ముగ్గురు వ్యోమగాములు భూమికి విజయవంతంగా చేరుకున్నారు. ఈ సందర్భంగా చిరంజీవి తన ఎక్స్ (ట్విట్టర్) ఖాతాలో స్పందించారు.సునీతా విలియమ్స్ – అపూర్వ ఘట్టం “మీరు 8 రోజుల్లో తిరిగి వస్తామన్నీ వెళ్లి 286 రోజులు గడిపారు!” అని చిరంజీవి తన సందేశంలో పేర్కొన్నారు. అంతరిక్షంలో భూమి చుట్టూ 4,577 సార్లు తిరిగి అద్భుత ఘనత సాధించారు అని ఆయన హర్షం వ్యక్తం చేశారు.
సునీతా విలియమ్స్పై చిరు ప్రశంసలు
ఈ ప్రయాణం ఒక అసలు సాహస కథను తలపిస్తోంది. ఇదొక నిజమైన బ్లాక్ బస్టర్! అంటూ మెగాస్టార్ తనదైన శైలిలో అభివర్ణించారు.మీ ధైర్యానికి సాటి ఎవరూ లేరు. మీరు నిజమైన వీరులు!” అని కితాబు ఇచ్చారు.
భారతీయ మూలాలు ఉన్న మహిళా వ్యోమగామి – అందరికీ ఆదర్శం
సునీతా విలియమ్స్ విజయం ప్రపంచవ్యాప్తంగా స్ఫూర్తినిచ్చే అంశం.
అంతరిక్ష పరిశోధనలో మహిళల పాత్ర ఎంత ముఖ్యమో మరోసారి రుజువైంది.
ఈ ఘనత భారతీయులకే కాకుండా, అంతరిక్ష పరిశోధనలో ఆసక్తి కలిగిన ప్రతి ఒక్కరికీ గర్వకారణం.
సాహసయాత్ర విజయవంతం – చరిత్రలో నిలిచిపోతుందా?
ఈ విజయంతో సునీతా విలియమ్స్ పేరు అంతరిక్ష పరిశోధన చరిత్రలో నిలిచిపోనుంది.
భవిష్యత్తులో ఆమె మరిన్ని ఘనతలు సాధిస్తారన్న ఆశాభావాన్ని అభిమానులు వ్యక్తం చేస్తున్నారు.
