ఒంటరి జీవితానికి ముగింపు పలకాలని, వృద్ధాప్యంలో తోడు కోసం 75 ఏళ్ల సంగ్రురామ్ అనే వృద్ధుడు రెండో వివాహం చేసుకున్నాడు. అయితే, ఆ సంతోషం ఒక్క రోజు కూడా నిలవలేదు. పెళ్లైన మరుసటి రోజు ఉదయాన్నే ఆయన ప్రాణాలు కోల్పోవడం స్థానికంగా కలకలం రేపింది. ఈ అనూహ్య ఘటన ఉత్తరప్రదేశ్లోని జౌన్పుర్ జిల్లా, కుచ్ముచ్ గ్రామంలో జరిగింది.
Read Also: Telangana: ఎన్నికల కోడ్తో ఏపీ ప్రయాణికులకు కష్టాలు
వ్యవసాయం చేసుకుని జీవించే సంగ్రురామ్కు ఏడాది క్రితం మొదటి భార్య చనిపోయింది. పిల్లలు లేకపోవడంతో అప్పటి నుంచి ఆయన ఒంటరిగా ఉంటున్నారు. కుటుంబ సభ్యులు వద్దని వారించినా, ఒంటరితనాన్ని తట్టుకోలేక రెండో పెళ్లి చేసుకోవాలని నిశ్చయించుకున్నాడు. ఈ క్రమంలో ఆయన జలాల్పూర్ ప్రాంతానికి చెందిన మన్భవతి (35) అనే మహిళను సెప్టెంబర్ 29, సోమవారం రోజున వివాహం చేసుకున్నాడు. ముందుగా కోర్టులో వివాహాన్ని రిజిస్టర్(Register marriage) చేయించుకుని, ఆ తర్వాత స్థానిక ఆలయంలో సంప్రదాయబద్ధంగా ఒక్కటయ్యారు.
ఒక్కరోజులోనే ముగిసిన పెళ్లి బంధం
నవ వధువు మన్భవతి మాట్లాడుతూ, ఇంటి బాధ్యతలు చూసుకుంటానని, ‘పిల్లల సంగతి’ కూడా చూసుకుంటానని తన భర్త హామీ ఇచ్చారని తెలిపింది. పెళ్లి రాత్రి ఇద్దరూ చాలాసేపు మాట్లాడుకున్నామని ఆమె చెప్పింది. అయితే, మరుసటి రోజు ఉదయం సంగ్రురామ్ ఆరోగ్యం అకస్మాత్తుగా క్షీణించింది. వెంటనే ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు.
ఈ ఆకస్మిక మరణం(Sudden death) గ్రామంలో పలు అనుమానాలకు దారి తీసింది. వయసు మీద పడటం వల్ల సహజంగానే మరణించి ఉంటాడని కొందరు భావిస్తుండగా, మరికొందరు దీని వెనుక ఏదో మర్మం ఉందని అనుమానం వ్యక్తం చేస్తున్నారు. ఢిల్లీలో నివసించే సంగ్రురామ్ మేనల్లుళ్లు విషయం తెలుసుకుని, తాము వచ్చేవరకు అంత్యక్రియలు జరపవద్దని అడ్డుకున్నారు. ఈ ఘటనపై పోలీసులు విచారణ మరియు పోస్టుమార్టం నిర్వహిస్తారా, లేదా అనేదానిపై మరింత స్పష్టత రావాల్సి ఉంది.
వృద్ధుడు రెండో పెళ్లి ఎందుకు చేసుకున్నాడు?
ఆయనకు పిల్లలు లేకపోవడం, మొదటి భార్య ఏడాది క్రితం చనిపోవడంతో ఒంటరితనాన్ని భరించలేక వృద్ధాప్యంలో తోడు కోసం రెండో పెళ్లి చేసుకున్నాడు.
సంగ్రురామ్ మరణంపై అనుమానాలు ఎందుకు వ్యక్తమవుతున్నాయి?
పెళ్లి జరిగిన మరుసటి రోజే ఆయన అకస్మాత్తుగా మరణించడంతో, సహజ మరణం కాదని, దీని వెనుక ఏదో మర్మం ఉందని స్థానికులు, బంధువులు అనుమానాలు వ్యక్తం చేస్తున్నారు.
Read hindi news: hindi.vaartha.com
Read Also:
