భారత ప్రధానమంత్రి నరేంద్ర మోదీ రాష్ట్రపతి భవన్లో రాష్ట్రపతి ద్రౌపదీ ముర్మును మర్యాదపూర్వకలగా కలిశారు. ఈ సందర్భంగా ఆమెకు పుష్పగుచ్ఛాన్ని అందజేసి శుభాకాంక్షలు తెలిపారు. దేశాధినేత మరియు ప్రభుత్వాధినేత మధ్య జరిగిన ఈ భేటీలో పలు కీలక జాతీయ అంశాలపై చర్చలు జరిగినట్లు సమాచారం. ముఖ్యంగా దేశవ్యాప్తంగా జరుగుతున్న అభివృద్ధి కార్యక్రమాలు, అంతర్జాతీయ పరిణామాల గురించి వారు చర్చించుకున్నారు. రాష్ట్రపతి భవన్లో జరిగిన ఈ సమావేశం స్నేహపూర్వక వాతావరణంలో సాగింది.
Telangana: కీలక నేతలతో కేసీఆర్ భేటీ
ఈ భేటీకి ముందే, ‘వీర్ బాల్ దివస్’ను పురస్కరించుకుని రాష్ట్రపతి ద్రౌపదీ ముర్ము ‘ప్రధాన మంత్రి రాష్ట్రీయ బాల్ పురస్కార్’ (PMRBP) అవార్డులను అందజేశారు. వివిధ రంగాలలో అసాధారణ ప్రతిభ కనబరిచిన మరియు అద్భుతమైన ధైర్యసాహసాలు ప్రదర్శించిన 19 మంది చిన్నారులను ఈ ఏడాది ఈ ప్రతిష్టాత్మక పురస్కారానికి ఎంపిక చేశారు. కళలు, సంస్కృతి, ధైర్యసాహసాలు, వినూత్న ఆవిష్కరణలు, సామాజిక సేవ మరియు క్రీడల విభాగాల్లో విశేష కృషి చేసిన బాలలకు ఈ అవార్డులను అందజేసి వారిని గౌరవించారు. దేశ భవిష్యత్తుకు మార్గదర్శకులుగా నిలిచే ఈ చిన్నారుల కృషిని రాష్ట్రపతి అభినందించారు.
‘వీర్ బాల్ దివస్’ సందర్భంగా ఈ అవార్డులను ప్రధానం చేయడం ఎంతో విశిష్టతను సంతరించుకుంది. సిక్కు గురువు గురు గోవింద్ సింగ్ కుమారులు (సాహిబ్ జాదేలు) చూపిన అసమాన త్యాగాన్ని స్మరించుకుంటూ జరుపుకునే ఈ రోజున, ప్రస్తుత తరం పిల్లల ధైర్యసాహసాలను గుర్తించడం వారికి గొప్ప ప్రోత్సాహాన్ని ఇస్తుంది. ఈ పురస్కారాల ద్వారా బాలల్లో సామాజిక బాధ్యత, దేశభక్తి మరియు సృజనాత్మకతను పెంపొందించడమే కేంద్ర ప్రభుత్వ లక్ష్యం. అవార్డు పొందిన విజేతలతో ప్రధాని మోదీ కూడా ప్రత్యేకంగా ముచ్చటించి, వారి స్ఫూర్తిదాయక ప్రయాణాన్ని అడిగి తెలుసుకున్నారు.
Read hindi news: hindi.vaartha.com
Epaper : epaper.vaartha.com
