ఢిల్లీ–ఎన్సీఆర్ ప్రాంతంలో శనివారం ఉదయం ఘనంగా కమ్ముకున్న దట్టమైన పొగమంచు తీవ్ర ప్రమాదానికి దారితీసింది. నొయిడా(Noida accident) ఎక్స్ప్రెస్వేపై దూరం స్పష్టంగా కనిపించకపోవడంతో ఒకదానికొకటి వరుసగా 12కు పైగా వాహనాలు ఢీకొన్నాయి. ఈ ఘటనలో కార్లు, లారీలు తీవ్రంగా దెబ్బతిన్నాయి. పలువురు గాయపడగా, ప్రమాదం చోటుచేసుకున్న ప్రాంతంలో ట్రాఫిక్ పూర్తిగా స్తంభించింది.
Read also : Bhupalapally Crime: భార్యను ఉరి వేసి హత్య చేసిన భర్త.. అనంతరం ఆత్మహత్య
ఈ ప్రమాదం హర్యానా, ఉత్తరప్రదేశ్ రాష్ట్రాలను కలుపుతూ సాగిన ఈస్టర్న్ పెరిఫెరల్ ఎక్స్ప్రెస్వేలో (Kundli-Ghaziabad-Palwal route) చోటుచేసుకుంది. ప్రమాద స్థలంలో కనిపించిన దృశ్యాలు తీవ్రతను చాటుతున్నాయి. కొన్ని కార్లు పూర్తిగా ధ్వంసమై డివైడర్పైకి ఎక్కగా, మరికొన్ని వాహనాలు భారీ ట్రక్కుల కింద ఇరుక్కున్నాయి.
ఈ ఘటనపై గౌతమ్ బుద్ధ నగర్ (నొయిడా) పోలీస్ కమిషనరేట్ సోషల్ మీడియా వేదిక ‘ఎక్స్ (Twitter)’ ద్వారా స్పందించింది. సమాచారం అందిన వెంటనే పోలీసులు ఘటన స్థలానికి చేరుకుని సహాయక చర్యలు ప్రారంభించినట్లు వెల్లడించింది. గాయపడిన వారిని ఆసుపత్రులకు తరలించగా, ట్రాఫిక్ను క్రమబద్ధీకరించే ప్రయత్నాలు కొనసాగుతున్నాయని పోలీసులు తెలిపారు. ప్రమాదంపై పూర్తి స్థాయి దర్యాప్తు జరుగుతోందని స్పష్టం చేశారు.
ఇదిలా ఉండగా, శనివారం ఉదయం ఢిల్లీ–ఎన్సీఆర్ ప్రజలు దట్టమైన పొగమంచుతో నిద్రలేచారు. రోడ్లపై విజిబిలిటీ తీవ్రంగా తగ్గిపోవడంతో వాహనదారులు అప్రమత్తంగా ప్రయాణించాల్సిన పరిస్థితి ఏర్పడింది. ఈ పొగమంచే ప్రమాదానికి ప్రధాన కారణంగా భావిస్తున్నట్లు అధికారులు తెలిపారు.
Read hindi news: hindi.vaartha.com
Epaper : epaper.vaartha.com
Read also :
