బెంగళూరులో జరిగిన నూతన సంవత్సర వేడుకలు కొన్ని ప్రాంతాల్లో ఘర్షణలు మరియు గందరగోళానికి దారితీశాయి. సిలికాన్ వ్యాలీ బెంగళూరులో న్యూ ఇయర్ వేడుకలు కొన్నిచోట్ల అదుపు తప్పాయి. ముఖ్యంగా నగరంలోని రద్దీ ప్రాంతమైన ఒపెరా రోడ్డులో ఒక యువతి మద్యం మత్తులో వీరంగం సృష్టించింది. తన ప్రియుడితో గొడవ పడిన సదరు యువతి, విచక్షణ కోల్పోయి అందరూ చూస్తుండగానే అతనిపై దాడికి దిగింది. ఆమెను ఆపేందుకు ప్రయత్నించిన స్థానికులపై కూడా దౌర్జన్యానికి దిగడంతో అక్కడ తీవ్ర ఉద్రిక్తత నెలకొంది. చివరకు రంగ ప్రవేశం చేసిన పోలీసులు ఆమెను అతి కష్టమ్మీద శాంతింపజేసి పరిస్థితిని అదుపులోకి తెచ్చారు. మద్యం ప్రభావంతో యువత తమ నియంత్రణ కోల్పోవడం వల్ల ఇలాంటి ఇబ్బందికర పరిస్థితులు తలెత్తుతున్నాయి.
TG: కొత్త సంవత్సరంలో పోలీసులకు ప్రభుత్వం ప్రకటించిన పతకాలు
కేవలం రోడ్లపైనే కాకుండా పబ్లు, క్లబ్లలో కూడా వివాదాలు చోటుచేసుకున్నాయి. కోరమంగళ ప్రాంతంలోని ఒక ప్రముఖ పబ్లో ఇద్దరు యువకుల మధ్య మొదలైన చిన్న మాటపట్టింపు పెద్ద గొడవకు దారితీసింది. ఇరువురు పరస్పరం దాడులు చేసుకోవడంతో అక్కడి వాతావరణం ఒక్కసారిగా భీతావహంగా మారింది. మరోవైపు, రోడ్లపై మద్యం మత్తులో గుంపులుగా చేరి ప్రమాదకరంగా పటాకులు కాల్చుతున్న యువకులను పోలీసులు వారించారు. వినకపోవడంతో తప్పనిసరి పరిస్థితుల్లో పోలీసులు వారిపై లాఠీఛార్జ్ చేసి చెల్లాచెదురు చేయాల్సి వచ్చింది. బహిరంగ ప్రదేశాల్లో శాంతిభద్రతలకు విఘాతం కలగకుండా పోలీసులు కఠినంగా వ్యవహరించారు.
వేడుకల పేరుతో మితిమీరిన ప్రవర్తన కనిపిస్తున్నప్పటికీ, పోలీసులు సామాజిక బాధ్యతతో వ్యవహరించిన సందర్భాలు కూడా ఉన్నాయి. ఫుల్లుగా మద్యం సేవించి తనను తాను నియంత్రించుకోలేని స్థితిలో ఉన్న ఒక యువతిని గుర్తించిన మహిళా పోలీసులు, ఆమెకు ఎటువంటి అపాయం కలగకుండా తగిన రక్షణ కల్పించారు. రాత్రి సమయం కావడంతో భద్రతా కారణాల దృష్ట్యా ఆమెను సురక్షితంగా ఆటోలో ఎక్కించి ఇంటికి పంపించి తమ ఉదారతను చాటుకున్నారు. వేడుకల్లో అవాంఛనీయ సంఘటనలు జరగకుండా వేలాది మంది పోలీసులు రాత్రంతా పహారా కాసినప్పటికీ, మద్యం మత్తులో కొందరు చేసిన రచ్చ మాత్రం చర్చనీయాంశంగా మారింది.
Read hindi news: hindi.vaartha.com
Epaper : epaper.vaartha.com
