దేశ ఐక్యతను దెబ్బతీసేందుకు కొన్ని శక్తులు కుట్రలు చేస్తున్నాయని ప్రధాని నరేంద్ర మోదీ పేర్కొన్నారు ఈ కుట్రలను ఎట్టి పరిస్థితుల్లోనూ అమలులోకి రాకుండా తమ ప్రభుత్వం కట్టుబాటుగా ఉందని స్పష్టం చేశారు కేంద్ర ప్రభుత్వం అన్ని పథకాలను ఏ రకమైన వివక్ష లేకుండా అందించేందుకు కట్టుబడినట్లు ఆయన వివరించారు అర్హత కలిగిన వారికి మాత్రమే పథకాలు అందిస్తామని మోదీ అన్నారు తాము అధికారంలోకి వచ్చిన తరువాత వన్ నేషన్, వన్ ట్యాక్స్ వన్ నేషన్ వన్ పవర్ గ్రిడ్” “వన్ నేషన్ వన్ రేషన్ కార్డు వంటి కొత్త విధానాలను ప్రవేశపెట్టామని ఆయన చెప్పారు అలాగే వన్ నేషన్, వన్ ఎలక్షన్ అమలైతే అది దేశ అభివృద్ధికి ఎంతో దోహదపడుతుందని మోదీ తెలిపారు.
గుజరాత్లోని కెవాడియాలో సర్దార్ వల్లభాయ్ పటేల్ విగ్రహానికి ఆయన నివాళులు అర్పించారు ఈ సందర్భంగా పటేల్ భారతదేశంలో ఏకత్వాన్ని పరిరక్షించడంలో కీలకమైన పాత్ర పోషించారని ఆయన కొనియాడారు పటేల్ ఆలోచనలు అనేక తరాలకు స్ఫూర్తి కావాలని దేశం ఎప్పటికప్పుడు ఒక్కటిగా ఉండాలని కోరుకున్నారని మోదీ చెప్పారు ప్రధాన మంత్రి మోదీ మాట్లాడుతూ మాతృభాషలు మన అభివృద్ధి, సమైక్యతకు మూలాలుగా ఉంటాయని అందుకే కేంద్ర ప్రభుత్వం స్థానిక భాషలన్నింటికి మద్దతుగా ఉంటుందని హామీ ఇచ్చారు అయిదు భాషలకు “క్లాసికల్ లాంగ్వేజ్” హోదా అందించినట్లు కూడా ఆయన తెలిపారు ఎన్నికల కారణంగా దేశ ప్రగతిలో అవరోధాలు వస్తున్నాయని ప్రత్యేకంగా ఆర్టికల్ 370ను తొలగించడం ద్వారా దేశ అభివృద్ధికి మార్గం సుగమం చేశామని చెప్పారు.
ప్రపంచ దేశాలు ఇప్పుడు భారత్ వైపు చూస్తున్నాయని అనేక దేశాలు భారత్తో కలిసి పని చేయాలన్న సంకల్పంతో ముందుకు వస్తున్నాయన్నారు “ఏకతా మంత్రం” ద్వారా దేశ ప్రగతికి ప్రోత్సాహం కలుగుతుందని దేశం చేసే ప్రతి పనిలో సమైక్యత స్ఫష్టంగా కనిపిస్తోందన్నారు కశ్మీర్ మరియు ఈశాన్య భారతం రైల్వే ద్వారా దేశానికి కనెక్ట్ అయ్యాయని తెలిపారు గత ప్రభుత్వంలో నైతికత నిబద్ధతలో వివక్ష భావాలు దేశ ఐక్యతకు నెగెటివ్ ప్రభావం చూపించాయని ఆయన అభిప్రాయపడ్డారు గత 10 సంవత్సరాలలో వివక్షను తొలగించేందుకు పని చేశామని “హర్ ఘర్ జల్” కార్యక్రమం ద్వారా ప్రతి ఇంటికి నీటిని అందించినట్లు తెలిపారు అలాగే “ఆయుష్మాన్ భారత్” పథకం ద్వారా ప్రతి వ్యక్తికి లబ్ధి చేకూరుతుందని ప్రధాని నరేంద్ర మోదీ పేర్కొన్నారు.
