ముంబై నగరంలో మంగళవారం తెల్లవారుజాము నుంచి ఎడతెరిపి లేకుండా కురుస్తున్న భారీ వర్షాలతో (Mumbai Rains) పరిస్థితి విషమించింది. వీధులు నదులను తలపిస్తుండగా, అనేక ప్రాంతాలు నీటమునిగిపోయాయి. ఈ నేపథ్యంలో భారత వాతావరణ శాఖ (IMD) ముంబై (Mumbai) నగరానికి, శివారు ప్రాంతాలకు రెడ్ అలర్ట్ జారీ చేసింది.
ప్రభుత్వ, విద్యాసంస్థలకు సెలవు
భారీ వర్షాల (Mumbai Rains) తీవ్రత దృష్ట్యా బృహన్ ముంబై మున్సిపల్ కార్పొరేషన్ (BMC) కీలక నిర్ణయాలు తీసుకుంది. అత్యవసర సేవలు మినహా ప్రభుత్వ, సెమీ-ప్రభుత్వ, బీఎంసీ కార్యాలయాలకు సెలవు ప్రకటించింది. ప్రైవేట్ సంస్థలు ఉద్యోగులకు వర్క్ ఫ్రం హోమ్ (Work from home for employees) సదుపాయం కల్పించాలని సూచించింది. విద్యార్థుల భద్రతను దృష్టిలో ఉంచుకుని ముంబైలోని పాఠశాలలు, కళాశాలలకు కూడా సెలవు ప్రకటించారు.
రవాణా వ్యవస్థలో ఆటంకాలు
వర్షాల ప్రభావంతో రవాణా వ్యవస్థ పూర్తిగా దెబ్బతింది. సెంట్రల్ రైల్వే లైన్లో రైళ్లు 20-30 నిమిషాల ఆలస్యంతో నడుస్తున్నాయి. విమాన సర్వీసులపై కూడా తీవ్ర ప్రభావం పడింది. ముంబై విమానాశ్రయం నుంచి బయలుదేరాల్సిన 155 విమానాలు, నగరానికి చేరాల్సిన 102 విమానాలు ఆలస్యమయ్యాయి. ఇండిగో సహా పలు విమానయాన సంస్థలు కార్యకలాపాలకు అంతరాయం కలుగుతోందని ప్రకటించాయి.
నగరంలో జలదిగ్బంధం
ముంబైలో అనేక ప్రాంతాలు జలదిగ్బంధంలో చిక్కుకున్నాయి. అంధేరి వెస్ట్లోని ఎస్వీ రోడ్డులో వాహన రాకపోకలు నిలిచిపోయాయి. సియాన్ గాంధీ మార్కెట్, దాదర్ టీటీ, ముంబై సెంట్రల్ వంటి ప్రదేశాలు చెరువులను తలపిస్తున్నాయి. వసాయి మితాఘర్ ప్రాంతంలో వరదనీటిలో 200-400 మంది వరకు చిక్కుకున్నట్లు సమాచారం.
వర్షపాతం గణాంకాలు
గత 24 గంటల్లో ముంబైలో రికార్డు స్థాయిలో వర్షం కురిసింది.
- విఖ్రోలీ – 255.5 మిల్లీమీటర్లు
- బైకుల్లా – 241.0 మిల్లీమీటర్లు
- శాంతాక్రూజ్ – 238.2 మిల్లీమీటర్లు
ఈ గణాంకాలు ముంబైలో వర్షాల తీవ్రతను స్పష్టంగా చూపిస్తున్నాయి.
Read hindi news: hindi.vaartha.com
Read also:
