Modi : ఎలాన్ మస్క్ ఫోన్ సంభాషణ – టెక్నాలజీ, వాణిజ్యంలో కీలక మలుపు
భారత ప్రధాని నరేంద్ర మోదీ మరియు అమెరికా ప్రముఖ పారిశ్రామికవేత్త, టెస్లా సీఈఓ ఎలాన్ మస్క్ ఫోన్లో చర్చలు జరిపినట్టు నరేంద్ర మోదీ స్వయంగా ‘ఎక్స్’ (ట్విట్టర్) వేదికగా వెల్లడించారు. ఈ సంభాషణలో టెక్నాలజీ, ఆవిష్కరణ రంగాల్లో ఉన్న సహకారం, భవిష్యత్ అవకాశాలపై విస్తృతంగా చర్చించినట్టు ప్రధాని తెలిపారు. గతంలో వాషింగ్టన్లో జరిగిన భేటీలో చర్చించిన అంశాలను ఈ కాల్లో మరోసారి ప్రస్తావించినట్టు చెప్పారు.ప్రస్తుతం అమెరికా-భారతదేశాల మధ్య టారిఫ్ వ్యవహారాలు మరియు వాణిజ్య ఒప్పందాలపై చర్చలు కొనసాగుతున్న తరుణంలో ఈ ఫోన్ కాల్ ప్రాధాన్యత సంతరించుకుంది. ప్రధానమంత్రి మోదీ పేర్కొన్నట్టుగా, భారత్ అమెరికాతో సహకారాన్ని మరింత బలోపేతం చేయాలని సంకల్పంతో ఉంది.ఇంతకుముందు ఫిబ్రవరిలో మోదీ అమెరికాలో పర్యటించిన సమయంలో ఎలాన్ మస్క్ను భేటీ అయ్యారు. ఆ సమయంలో కూడా అంతరిక్ష, మొబిలిటీ, టెక్నాలజీ రంగాల్లో పరస్పర సహకారం, పెట్టుబడులపై చర్చ జరిగింది. ఆ భేటీ అనంతరం టెస్లా భారత్లో తమ కార్యకలాపాలను ప్రారంభించేందుకు గల ఆలోచనలు స్పష్టంగా కనిపించాయి. టెస్లా సంస్థ నియామక ప్రక్రియను ప్రారంభించిందన్న వార్తలు వెలువడ్డాయి.
Modi -ఎలాన్ మస్క్ ఫోన్ సంభాషణ టెక్కు బలహితం
అలాగే టెస్లా భారత మార్కెట్లో షోరూమ్ ఏర్పాటు చేసేందుకు స్థలాల పరిశీలన చేస్తోందన్న సమాచారం ఉన్నది. ఇదే సమయంలో, మస్క్కు చెందిన మరో సంస్థ స్టార్లింక్ కూడా భారత మార్కెట్లోకి ప్రవేశించేందుకు ప్రయత్నాలు చేస్తోంది. శాటిలైట్ ఇంటర్నెట్ సేవలను అందించేందుకు ప్రభుత్వం అనుమతి ఇచ్చే అవకాశాలు పరిశీలనలో ఉన్నట్టు తెలుస్తోంది.ఈ పరిణామాల మధ్య మోదీ-మస్క్ సంభాషణ అనేది వాణిజ్యం, టెక్నాలజీ రంగాల్లో ద్వైపాక్షిక సంబంధాలను మరింత బలోపేతం చేసే దిశగా కీలక అడుగుగా భావించవచ్చు.ఎలాన్ మస్క్ ఇప్పటికే పలు సందర్భాల్లో భారతదేశం వంటి అభివృద్ధి చెందుతున్న దేశాల్లో టెక్నాలజీ విస్తరణకు అనుకూల వాతావరణం ఉందని అభిప్రాయపడ్డారు. టెస్లా ఎలక్ట్రిక్ వాహనాలు భారతీయ రోడ్లపై ప్రవేశించేందుకు సన్నాహాలు ప్రారంభించగా, దీని వల్ల వాతావరణ పరిరక్షణకు తోడ్పాటు మాత్రమే కాకుండా, దేశీయంగా ఉత్పత్తి ఆధారంగా ఉద్యోగ అవకాశాలు కూడా పెరిగే అవకాశం ఉంది.
Read More : Elon Musk : పుతిన్ ప్రశంసలు, స్టార్లింక్కు ముప్పు
