AAP MCD election result : ఢిల్లీ మున్సిపల్ కార్పొరేషన్ (MCD) ఉప ఎన్నికల ఫలితాల తర్వాత ఆమ్ ఆద్మీ పార్టీ (AAP) జాతీయ కన్వీనర్ అరవింద్ కేజ్రీవాల్ స్పందించారు. తన పార్టీ అభ్యర్థులను అభినందించిన ఆయన, రెండు సీట్లు కోల్పోయిన బీజేపీపై తీవ్ర విమర్శలు చేశారు.
మొత్తం 12 వార్డులకు జరిగిన ఉప ఎన్నికల్లో బీజేపీ 7 సీట్లు గెలుచుకున్నప్పటికీ, గతంలో తన వద్ద ఉన్న రెండు స్థానాలను కోల్పోయిందని కేజ్రీవాల్ పేర్కొన్నారు. కేవలం పదినెలల వ్యవధిలోనే ప్రజల్లో AAPపై మళ్లీ నమ్మకం పెరుగుతోందని ఆయన అన్నారు.
ఎక్స్ (X) వేదికగా కేజ్రీవాల్ స్పందిస్తూ, “ఈ ఉప ఎన్నికల్లో ఆమ్ ఆద్మీ పార్టీ తన నిజమైన కార్యకర్తలను బరిలో నిలిపింది. ఢిల్లీ ప్రజల తీర్పు AAPకు మద్దతు మరింత బలపడుతోందని స్పష్టంగా చెబుతోంది” అని వ్యాఖ్యానించారు.
“కేవలం 10 నెలల్లోనే ప్రజల విశ్వాసం తిరిగి వేగంగా AAP వైపు మళ్లుతోంది. ఢిల్లీ మరోసారి మంచి పాలన, సానుకూల రాజకీయాల వైపు అడుగులు వేస్తోంది” అని ఆయన అన్నారు.
Latest News: GVMC: విశాఖలో పెద్ద మార్పు: జీవీఎంసీ సరిహద్దులు విస్తరణ
నవంబర్ 30న జరిగిన ఉప ఎన్నికల ఫలితాలు గురువారం ప్రకటించగా, AAP ముండ్కా, దక్షిణ్పురి, నారాయణ వార్డుల్లో విజయం సాధించింది. బీజేపీ షాలిమార్ బాగ్-B, దిచావన్ కలాన్, గ్రేటర్ కైలాష్, ద్వారక-B, అశోక్ విహార్, వినోద్ నగర్, చాంద్ని చౌక్ వార్డుల్లో గెలిచింది.
కాంగ్రెస్ సంగం విహార్ సీటును గెలుచుకోగా, ఆల్ ఇండియా ఫార్వర్డ్ బ్లాక్ చాంద్ని మహల్ సీటును దక్కించుకుంది. (AAP MCD election result) అశోక్ విహార్ వార్డులో ఓట్ల లెక్కింపుపై వివాదం తలెత్తింది. AAP మాజీ ఎమ్మెల్యే, మంత్రి సౌరభ్ భరద్వాజ్ ప్రకారం, మొదట ఎన్నికల కమిషన్ వెబ్సైట్లో AAP విజయం చూపించగా, రీకౌంటింగ్ తర్వాత బీజేపీ విజేతగా ప్రకటించారు.
ఈ విషయంపై స్పందించిన భరద్వాజ్, “అశోక్ విహార్ సీటులో AAP గెలిచిందని ముందు వెబ్సైట్లో ఫలితం చూపించారు. తిరిగి లెక్కించిన తర్వాత బీజేపీ గెలిచిందని చెబుతున్నారు. ఇది ఎలా సాధ్యం?” అని ప్రశ్నించారు.
Read hindi news: https://hindi.vaartha.com
Epaper : https://epaper.vaartha.com/
