డిసెంబర్ 15న అమెరికాకు(America) చెందిన 6.5 టన్నుల బరువు గల ‘బ్లూబర్డ్-6’ కమ్యూనికేషన్ ఉపగ్రహాన్ని భారత అంతరిక్ష పరిశోధన సంస్థ (ISRO) అత్యంత శక్తివంతమైన LVM3 రాకెట్ ద్వారా నింగిలోకి పంపనుంది. ఇది వాణిజ్యపరంగా ప్రయోగిస్తున్న అత్యంత బరువైన ఉపగ్రహాలలో ఒకటి. ఈ ప్రయోగం భారతదేశం-అమెరికా మధ్య అంతరిక్ష రంగంలో రెండో అతిపెద్ద సహకారమని పేర్కొనవచ్చు. ‘బ్లూబర్డ్-6’ ఉపగ్రహాన్ని అమెరికాకు చెందిన ఏఎస్టీ స్పేస్ మొబైల్ సంస్థ అభివృద్ధి చేసింది. అక్టోబర్ 19న ఈ ఉపగ్రహాన్ని అమెరికా నుంచి ISRO సతీశ్ ధావన్ స్పేస్ సెంటర్కు తరలించారు. ఈ ఉపగ్రహంలో కక్ష్యలో అత్యంత పెద్ద కమర్షియల్ ఫేజ్డ్ అర్రే ఉంటుందని, గత బ్లూబర్డ్ ఉపగ్రహాల కన్నా 10 రెట్లు అధిక డేటా సామర్థ్యంతో పనిచేస్తుందని ఏఎస్టీ స్పేస్ మొబైల్ వెల్లడించింది.
Read also: భారత్పై 50 శాతానికి సుంకాలు పెంపు.. మెక్సికో
ISRO వాణిజ్య రాకెట్ ప్రయోగాల్లో కొత్త మైలురాయి
ఈ ప్రయోగాన్ని (ISRO) వాణిజ్య విభాగం అయిన New Space India Limited (NSIL) పర్యవేక్షిస్తోంది. LVM3 రాకెట్ సామర్థ్యం ప్రకారం, 8,000 కిలోల బరువును లో-ఎర్త్ ఆర్బిట్కి, 4,000 కిలోల బరువును జియోసింక్రోనస్ ట్రాన్స్ఫర్ ఆర్బిట్కి చేరవేయగలదు. ఈ రాకెట్ ఇటీవలే నవంబర్ 2న 4.4 టన్నుల బరువు గల CMS-3 ఉపగ్రహాన్ని విజయవంతంగా కక్ష్యలో ప్రవేశపెట్టింది. గత జూలైలో ISRO, NASA సంయుక్తంగా అభివృద్ధి చేసిన 1.5 బిలియన్ డాలర్ల నిసార్ (NISAR) ఉపగ్రహాన్ని కూడా విజయవంతంగా ప్రయోగించిన సంగతి తెలిసిందే. ఈ ప్రయోగం ద్వారా (ISRO) వాణిజ్య రాకెట్ ప్రయోగాలలో మరొక కీలక మైలురాయిని చేరుకుంటోంది. భవిష్యత్తులో అంతరిక్ష పరిశోధన, కమ్యూనికేషన్, డేటా సర్వీసుల విభాగంలో ఈ సహకారం మరింత ముందడుగు వేస్తుందని పరిశీలకులు భావిస్తున్నారు. ఈ ప్రయోగం భారత అంతరిక్ష పరిశోధన రంగానికి, అంతర్జాతీయ స్థాయిలో వాణిజ్య ప్రయత్నాలకు కొత్త ఉత్సాహం కలిగించే అవకాశం కలిగిస్తోంది.
Read hindi news: hindi.vaartha.com
Epaper: epaper.vaartha.com
Read Also:
