Indian tax department update : వచ్చే ఏడాది ఏప్రిల్ 1, 2026 నుంచి ఆదాయపు పన్ను శాఖ ప్రజల సోషల్ మీడియా ఖాతాలు, ఈమెయిల్స్ తదితర డిజిటల్ వేదికలపై నిఘా పెడుతుందంటూ జరుగుతున్న ప్రచారంలో ఏ మాత్రం నిజం లేదని కేంద్ర ప్రభుత్వం స్పష్టం చేసింది. ఈ వార్త పూర్తిగా తప్పుదోవ పట్టించేదని Press Information Bureau (PIB) ఫ్యాక్ట్ చెక్ విభాగం తేల్చిచెప్పింది.
కొత్త ఆదాయపు పన్ను చట్టం–2025 పేరుతో సోషల్ మీడియాలో వైరల్ అవుతున్న పోస్టులు ప్రజల్లో అనవసర భయాందోళనలు సృష్టిస్తున్నాయని ప్రభుత్వం పేర్కొంది. ఈ నిబంధనలు సాధారణ పన్ను చెల్లింపుదారులకు వర్తించవని, కేవలం భారీ పన్ను ఎగవేతలకు సంబంధించిన అధికారిక సోదాలు, సర్వే ఆపరేషన్ల సమయంలో మాత్రమే పరిమితంగా వర్తిస్తాయని స్పష్టం చేసింది.
America: ఆలస్యమవుతున్న వీసా అపాయింట్ మెంట్ తో టెన్షన్..టెన్షన్
ఎవరికే ఈ అధికారం వర్తిస్తుంది?
ప్రభుత్వం ఇచ్చిన వివరణ ప్రకారం, ఒక వ్యక్తి లేదా (Indian tax department update) సంస్థ భారీగా పన్ను ఎగవేసిందన్న బలమైన ఆధారాలు ఉన్నప్పుడు, అధికారికంగా సోదాలు జరుగుతున్న సందర్భాల్లో మాత్రమే ఐటీ అధికారులకు డిజిటల్ రికార్డులను పరిశీలించే అధికారం ఉంటుంది. అంతేకానీ, రొటీన్ అసెస్మెంట్లు, సాధారణ స్క్రూటినీ కేసులు లేదా నిజాయితీగా పన్నులు చెల్లించే వారి సోషల్ మీడియా ఖాతాలు, ఈమెయిల్స్, క్లౌడ్ స్టోరేజీని చూసే అధికారం **Income Tax Department**కు లేదని ప్రభుత్వం స్పష్టం చేసింది.
ఇప్పటికే అమల్లో ఉన్న ఆదాయపు పన్ను చట్టం–1961లోని సెక్షన్ 132 ప్రకారం భౌతిక సోదాల సమయంలో పత్రాలు, ఆధారాలు స్వాధీనం చేసుకునే అధికారం ఉంది. ఇప్పుడు డిజిటల్ యుగానికి అనుగుణంగా, ఆ నిబంధనలను ఆధునికీకరిస్తూ డిజిటల్ రికార్డుల స్వాధీనాన్ని మాత్రమే చట్టంలో చేర్చినట్లు అధికారులు తెలిపారు. ఆన్లైన్ బ్యాంకింగ్, డిజిటల్ వాలెట్లు, క్రిప్టో ఆస్తులు, ట్రేడింగ్ ప్లాట్ఫామ్లు వంటి వర్చువల్ డిజిటల్ స్పేస్లను సోదాల్లో భాగంగా పరిశీలించవచ్చని చెప్పారు.
ప్రభుత్వ హామీ
కొత్త నిబంధనలతో అధికారాల దుర్వినియోగం జరుగుతుందనే ఆరోపణలను ప్రభుత్వం తోసిపుచ్చింది. “బలమైన కారణాలు ఉన్నాయని నమ్మినప్పుడే” సోదాలు చేపట్టేలా కఠినమైన నిబంధనలు ఉన్నాయని హామీ ఇచ్చింది. నిజాయితీగా ఆదాయాన్ని ప్రకటించి, సకాలంలో పన్నులు చెల్లించే పౌరులు ఎలాంటి ఆందోళన చెందాల్సిన అవసరం లేదని ఐటీ శాఖ పునరుద్ఘాటించింది. పన్ను సంస్కరణలపై తప్పుడు సమాచారాన్ని నమ్మవద్దని ప్రజలకు సూచించింది.
Read hindi news: hindi.vaartha.com
Epaper : epaper.vaartha.com
Read Also:
