రష్యా నుంచి చమురు కొనుగోలు చేస్తోందని, అమెరికా అధ్యక్షుడు డొనాల్డ్ ట్రంప్ (Donald Trump) భారత్పై అదనపు సుంకాలు (Additional tariffs on India) విధించారు. అయితే, ఈ టారిఫ్లు భారత ఆర్థిక వ్యవస్థను ప్రభావితం చేయవని ఎస్ అండ్ పీ గ్లోబల్ రేటింగ్స్ స్పష్టం చేసింది.ఇలాంటి రాజకీయ నిర్ణయాలు ఉన్నప్పటికీ, భారత్పై తమ “పాజిటివ్” అవుట్లుక్ కొనసాగుతుందని సంస్థ పేర్కొంది. భారత్కు సంబంధించిన ఓ వెబినార్లో S&P డైరెక్టర్ యీఫార్న్ ఫువా ఈ వ్యాఖ్యలు చేశారు.భారత జీడీపీ వృద్ధిలో అమెరికాకు చేసే ఎగుమతుల ప్రాధాన్యత తక్కువేనని ఫువా తెలిపారు. అవి మొత్తం జీడీపీలో కేవలం 2 శాతం మాత్రమేనని చెప్పారు. ఈ కారణంగా, కొత్తగా విధించిన సుంకాల ప్రభావం తక్కువగా ఉంటుందని వివరించారు.
కీలక రంగాలకు మినహాయింపుతో ఊరట
ఫార్మా, కన్జ్యూమర్ ఎలక్ట్రానిక్స్ రంగాలకు ఈ సుంకాల నుంచి మినహాయింపు ఉంది. ఇది భారత వ్యాపారవర్గానికి కొంత ఊరట ఇచ్చింది. దీంతో ఎగుమతులపై వెంటనే పెద్ద అడ్డంకి ఏర్పడదని భావిస్తున్నారు.ట్రంప్ ప్రకటించిన తాజా 25% సుంకాలు, ఇప్పటికే ఉన్న సుంకాలతో కలిపితే మొత్తం 50 శాతం అవుతాయి. అయితే, దీర్ఘకాలంలో ఇవి పెద్ద ప్రభావం చూపే అవకాశం లేదని ఎస్ అండ్ పీ అభిప్రాయపడింది. అందుకే భారత్ రేటింగ్ను ‘BBB-’ స్థాయిలో ‘పాజిటివ్ అవుట్లుక్’తో కొనసాగిస్తున్నామని పేర్కొంది.
భారత జీడీపీ వృద్ధి స్థిరంగా ఉంటుంది
2025 ఆర్థిక సంవత్సరానికి భారత జీడీపీ వృద్ధి రేటు 6.5 శాతంగా ఉంటుందని ఎస్ అండ్ పీ అంచనా వేసింది. గత సంవత్సరం ఇదే స్థాయిలో వృద్ధి నమోదవడంతో, ఈ ఏడాది కూడా అదే స్థిరత కొనసాగుతుందని విశ్లేషించింది.చైనా ఆధిపత్యాన్ని తగ్గించాలన్న అంతర్జాతీయ వ్యూహంతో అనేక కంపెనీలు భారత్ వైపు మొగ్గుచూపుతున్నాయి. ఈ కంపెనీలు ప్రధానంగా భారత మార్కెట్కే వస్తున్నాయని, ఎగుమతులకే కాదు అని ఎస్ అండ్ పీ పేర్కొంది. ఇది దేశీయ పరిశ్రమల పెరుగుదలకు బలంగా నిలుస్తుంది.
అమెరికా-భారత్ వాణిజ్యం ఇంకా బలంగా ఉంది
ప్రస్తుతం అమెరికా, భారత్కు అతిపెద్ద వాణిజ్య భాగస్వామ్య దేశం. 2024-25లో రెండు దేశాల మధ్య వాణిజ్యం $186 బిలియన్కి చేరింది. ఇందులో భారత్ అమెరికాకు చేసిన ఎగుమతులు $86.5 బిలియన్లు. దిగుమతులు $45.3 బిలియన్లుగా నమోదయ్యాయి.అమెరికా టారిఫ్లు రాజకీయ ఒత్తిడి కోణంలో వచ్చినా, భారత ఆర్థిక వ్యవస్థ స్థిరంగా ఉంది. ఎస్ అండ్ పీ విశ్లేషణ ప్రకారం, దీర్ఘకాలంలో ప్రభావం తక్కువే.భారత్ అంతర్గతంగా బలపడుతున్న మార్కెట్తో, వృద్ధి పటిష్టంగా కొనసాగనుంది.
Read Also :
