భారత మూలాలు కలిగిన మరో అమెరికన్ వ్యోమగామి అంతరిక్షం (American astronaut space) వైపు దూసుకెళ్తున్నారు. నాసా సంస్థ ప్రతిష్టాత్మకంగా చేపట్టిన అంతర్జాతీయ అంతరిక్ష కేంద్రం (ఐఎస్ఎస్) మిషన్కి డాక్టర్ అనిల్ మీనన్ (Dr. Anil Menon)ను ఎంపిక చేసింది. దీంతో సునీతా విలియమ్స్ తర్వాత ఐఎస్ఎస్లో అడుగుపెట్టనున్న రెండవ ఇండో-అమెరికన్గా మీనన్ చరిత్ర సృష్టించనున్నారు.నాసా తెలిపిన ప్రకారం, 2026 జూన్లో ప్రారంభమయ్యే ‘ఎక్స్పెడిషన్ 75’ మిషన్లో అనిల్ మీనన్ ఫ్లైట్ ఇంజనీర్గా ఐఎస్ఎస్లో సేవలందించనున్నారు. ఆయన ప్రయాణించబోయే అంతరిక్ష నౌక ‘రోస్కోస్మోస్ సోయజ్ ఎంఎస్-29’. ఈ ప్రయోగంలో అతనితో పాటు రష్యాకు చెందిన ప్యోటర్ డుబ్రోవ్, అనా కికినా కూడా పాల్గొంటున్నారు.
ఎనిమిది నెలల పాటు శాస్త్రీయ పరిశోధనలు
ఈ ముగ్గురు వ్యోమగాములు ఐఎస్ఎస్లో సుమారు ఎనిమిది నెలల పాటు శాస్త్రీయ పరిశోధనలపై దృష్టి పెట్టనున్నారు. ఈ అంతరిక్ష ప్రయోగాన్ని కజకిస్థాన్లోని బయకొనూర్ కేంద్రం నుంచి నాసా చేపట్టనుంది.అనిల్ మీనన్ జన్మించినది అమెరికాలో. ఆయన తండ్రి శంకరన్ మీనన్ భారత్కు చెందినవారు కాగా, తల్లి లీసా సమోలెంకో ఉక్రెయిన్కు చెందినవారు. హార్వర్డ్ యూనివర్సిటీ నుంచి న్యూరోబయాలజీలో డిగ్రీ, మసాచుసెట్స్ ఇన్స్టిట్యూట్ ఆఫ్ టెక్నాలజీ నుంచి మెకానికల్ ఇంజనీరింగ్లో మాస్టర్స్ పూర్తిచేశారు. స్టాన్ఫోర్డ్ యూనివర్సిటీ నుంచి ఏరోస్పేస్ మెడిసిన్ మరియు ఎమర్జెన్సీ మెడిసిన్లో మరింత అభ్యాసం పొందారు.
నాసాలో సర్జన్గా ప్రారంభించి వ్యోమగామిగా ఎదుగుదల
2014లో నాసాలో ఫ్లైట్ సర్జన్గా పనిచేయడం ప్రారంభించిన అనిల్ మీనన్, 2021లో నాసా వ్యోమగాముల బృందానికి ఎంపికయ్యారు. మూడు సంవత్సరాల శిక్షణ అనంతరం 2024లో ఆయన అధికారికంగా వ్యోమగామిగా గుర్తింపు పొందారు.
వారెవ్వా.. ఇద్దరూ స్పేస్ ఎక్స్ దంపతులే
అనిల్ మీనన్కు జీవితం స్పేస్తోనే ముడిపడింది. ఆయన జీవిత భాగస్వామి అనా మీనన్ కూడా స్పేస్ఎక్స్లో పనిచేస్తున్నారు. ఇలా ఒక వ్యోమగామి కుటుంబం, భవిష్యత్ అంతరిక్ష ప్రయాణాల్లో భారత సంతతికి గర్వకారణంగా నిలుస్తోంది.
Read Also : Donald Trump : ఎలాన్ మస్క్ను ‘‘డోజ్’ రాకాసి తినేస్తుంది!’: ట్రంప్
