దేవర తో బ్లాక్ బస్టర్ హిట్ అందుకున్న ఎన్టీఆర్..ప్రస్తుతం హిందీలో ‘వార్-2’ షూటింగ్లో బిజీగా ఉన్నారు. హృతిక్రోషన్ మరో హీరోగా నటిస్తున్న ఈ మల్టీస్టారర్పై పాన్ ఇండియా స్థాయిలో భారీ అంచనాలు ఉన్నాయి. ఈ సినిమా సెట్స్ ఫై ఉండగానే ప్రశాంత్నీల్ డైరెక్షన్లో ఓ సినిమాకు గ్రీన్ సిగ్నల్ ఇచ్చాడు. ప్రశాంత్నీల్ అద్భుతమైన స్క్రిప్ట్ను సిద్ధం చేశారని ఫిలిం నగర్ వర్గాలు చెబుతున్నారు.
ప్రస్తుతం అందుతున్న సమాచారం మేరకు ఈ సినిమా టైటిల్ను సంక్రాంతి సందర్భంగా వెల్లడించనున్నారని తెలిసింది. ఇప్పటికే ఈ సినిమాకు ‘డ్రాగన్’ అనే పేరు పరిశీలనలో ఉన్నట్లు సోషల్మీడియాలో ప్రచారం జరుగుతున్నది. చిత్ర బృందం కూడా ఇదే టైటిల్ను ఖరారు చేసే అవకాశాలు ఎక్కువగా ఉన్నాయని అంటున్నారు. ఈ నేపథ్యంలో ఈ సినిమా టైటిల్ సస్పెన్స్ వీడాలంటే సంక్రాంతి వరకు ఆగాల్సిందే. ఫిబ్రవరి లేదా మార్చిలో షూటింగ్ మొదలుకానుందని సమాచారం.
ఇందులో ఎన్టీఆర్ క్యారెక్టర్ పై కొన్ని ఆసక్తికరమైన విషయాలు వైరల్ అవుతున్నాయి. ఈ చిత్రంలో తారక్ నెగటివ్రోల్లో కనిపిస్తాడని సమాచారం. డ్రాగన్ టైటిల్కి తగ్గట్టే ప్రశాంత్ నీల్ పాత్రను డిజైన్ చేశాడని టాక్. యూరోపియన్ కల్చర్లో చెడుకి సింబల్ డ్రాగన్. మైథాలజీలో ఓ రాక్షసుడు. డ్రాగన్కి అగ్గి పీల్చే గుణం వుంటుంది. అలాగే అలజడికి సింబాలిక్గా డ్రాగన్ ని వాడుతారు. ఇవన్నీ ఎన్టీఆర్ క్యారెక్టర్ లో ఉండేట్లు డిజైన్ చేస్తున్నారట డైరెక్టర్. టెంపర్ లో ఎలాగైతే ఎన్టీఆర్ పాత్ర ఉంటుందో..అదే తరహాలో ఈ మూవీ లో కూడా ఉండబోతున్నట్లు తెలుస్తుంది.
