విజయవాడ వజ్ర గ్రౌండ్స్లో రామ్ చరణ్ అభిమానులు ఏర్పాటు చేసిన భారీ కటౌట్ ఇప్పుడు ప్రపంచ రికార్డు సాధించింది. రామ్ చరణ్ నటిస్తున్న ‘గేమ్ ఛేంజర్’ సినిమా విడుదల సందర్భంగా యువశక్తి ఆధ్వర్యంలో 256 అడుగుల ఎత్తున్న ఈ కటౌట్ను ఏర్పాటు చేశారు. ఇది రామ్ చరణ్ అభిమానులకు గర్వకారణంగా మారింది. ఈ విశేషమైన కటౌట్ ఆవిష్కరణ సందర్భంగా హెలికాప్టర్ ద్వారా పూల వర్షం కురిపించి, ఉత్సవాన్ని మరింత రంజుగా మార్చారు. ఈ కార్యక్రమంలో రామ్ చరణ్ అభిమానులు పెద్ద సంఖ్యలో పాల్గొన్నారు.
‘గేమ్ ఛేంజర్’ నిర్మాత దిల్ రాజు, చిత్ర యూనిట్ సభ్యులు ఈ కటౌట్ను ఆవిష్కరించారు. ఈ సందర్భంగా దిల్ రాజు మాట్లాడుతూ రామ్ చరణ్ అభిమానుల అభిమానం చూస్తుంటే ఆయనకు మరో పెద్ద హిట్ తథ్యమని వ్యాఖ్యానించారు. ఈ కటౌట్కు ఇంటర్నేషనల్ వండర్బుక్ ఆఫ్ వరల్డ్ రికార్డ్స్ అవార్డు లభించింది. 256 అడుగుల ఎత్తుతో ఇది ప్రపంచంలోని అతిపెద్ద కటౌట్గా గుర్తింపు పొందింది. ఈ గుర్తింపును నిర్మాత దిల్ రాజు అధికారికంగా అందుకున్నారు. ఈ ఘనతను ప్రేక్షకులు, అభిమానులు ఆనందంగా స్వాగతించారు.
