పవర్ స్టార్ పవన్ కళ్యాణ్ ప్రస్తుతం నటిస్తున్న మూడు ప్రధాన చిత్రాలు – హరి హర వీరమల్లు (HHVM), ఓజీ (OG), ఉస్తాద్ భగత్ సింగ్ (UBS) – టాలీవుడ్లో భారీ అంచనాలు సృష్టించాయి. ఈ మూడు సినిమాల్లోనూ నటిస్తున్న హీరోయిన్లు ఇప్పుడు ఫోకస్లోకి వచ్చారు. నిధి అగర్వాల్ (HHVM), ప్రియాంక మోహన్ (OG), శ్రీలీల మరియు రాశీ ఖన్నా (UBS) – ఈ ముద్దుగుమ్మలు సినిమాల విజయంపై భారీగా ఆధారపడుతున్నారు.
సక్సెస్ కోసం ఎదురుచూస్తున్న ముద్దుగుమ్మలు
ఈ హీరోయిన్స్ అంత గత కొన్ని సినిమాల్లో ఆశించిన స్థాయిలో హిట్ అందుకోలేకపోయారు. నిధి అగర్వాల్ కు ‘ఇస్మార్ట్ శంకర్’ తర్వాత సరైన బ్రేక్ రాలేదు. ప్రియాంక మోహన్ తమిళం నుంచి టాలీవుడ్కి వచ్చి కొన్ని అవకాశాలు దక్కించుకున్నప్పటికీ, పెద్ద హిట్ దక్కలేదు. శ్రీలీలకి పెద్ద స్థాయిలో హిట్లు ఉన్నప్పటికీ, వరుస ఫ్లాపుల ప్రభావం ఉంది. రాశీ ఖన్నా కూడా తాజాగా బిజీగా ఉన్నప్పటికీ, కమర్షియల్ విజయాల అవసరం ఉంది. పవన్ సినిమాల క్రేజ్తో వీరికి తిరుగులేని బ్రేక్ దక్కే అవకాశం కనిపిస్తోంది.
పవన్తో సినిమా అంటేనే ఓ స్పెషల్ మైలేజ్
పవన్ కళ్యాణ్కు ఉన్న అపార ఫ్యాన్ ఫాలోయింగ్, థియేటర్ల వద్ద వచ్చే క్రేజ్ ఈ సినిమాల బాక్సాఫీస్ ఫలితాలపై ప్రభావం చూపనుంది. కనీసం కంటెంట్ ఓ మోస్తరుగా ఉన్నా, పవన్ పవర్తో సినిమాలు సూపర్ హిట్లుగా మారే అవకాశం ఉంది. అలాంటి విజయం ఈ ముద్దుగుమ్మలకు ఇండస్ట్రీలో మరిన్ని అవకాశాలను తెరవవచ్చు. కాబట్టి ఇప్పుడు అందరి దృష్టి ఈ సినిమాలపై, మరీ ముఖ్యంగా ఈ హీరోయిన్లకు కలిసొచ్చే అదృష్టంపై ఉంది.
Read Also : Heavy Rains : పాక్ లో భారీ వర్షాలు.. 200 మందికి పైగా మృతి
