ప్రభాస్-మారుతి కాంబినేషన్లో వస్తున్న రొమాంటిక్ హారర్ కామెడీ ‘ది రాజా సాబ్’ నుంచి మేకర్స్ తాజాగా హీరోయిన్ మాళవికా మోహనన్ లుక్ను విడుదల చేశారు. ఈ సినిమాలో ఆమె ‘భైరవి’ అనే పాత్రలో నటిస్తోంది. పీపుల్ మీడియా ఫ్యాక్టరీ విడుదల చేసిన ఈ పోస్టర్లో మాళవిక అత్యంత అందంగా, ట్రెడిషనల్ లుక్లో కనిపిస్తూ అభిమానులను మెస్మరైజ్ చేస్తోంది. సోషల్ మీడియాలో ‘AskMalavika’ సెషన్ నిర్వహించినప్పుడు, ఫ్యాన్స్ ఆమెను ‘సినిమాలో మీ లుక్ ఎప్పుడు చూపిస్తారు?’ అని వరుస ప్రశ్నలతో ముంచెత్తారు. అభిమానుల కోరిక మేరకు నిర్మాణ సంస్థను ట్యాగ్ చేస్తూ ఆమె కూడా రిక్వెస్ట్ చేయడంతో, చిత్ర బృందం ఈ అద్భుతమైన పోస్టర్ను అభిమానుల ముందుకు తీసుకొచ్చింది.
Madras HC: చిన్నారులకు సోషల్ మీడియా బ్యాన్పై కేంద్రానికి హైకోర్టు సూచన
ఈ సినిమా ప్రమోషన్లలో భాగంగా చిత్ర యూనిట్ మరో భారీ అప్డేట్ను కూడా ఇచ్చింది. ‘ది రాజా సాబ్’ గ్రాండ్ ప్రీ-రిలీజ్ ఈవెంట్ రేపు (డిసెంబర్ 27, శనివారం) హైదరాబాద్లోని ఎల్బీ స్టేడియంలో అత్యంత ఘనంగా జరగనుంది. సినిమా విడుదల తేదీకి సుమారు రెండు వారాల ముందే ఈ వేడుకను నిర్వహిస్తుండటం విశేషం. చాలా కాలం తర్వాత ప్రభాస్ నేరుగా అభిమానుల ముందుకు రాబోతుండటంతో, ఈ ఈవెంట్పై భారీ అంచనాలు నెలకొన్నాయి. ఈ వేడుకలో సినిమాకు సంబంధించిన సరికొత్త ట్రైలర్ను లేదా మరిన్ని ఆసక్తికరమైన గ్లింప్స్ను విడుదల చేసే అవకాశం ఉందని సినీ వర్గాలు భావిస్తున్నాయి.
మారుతి దర్శకత్వంలో తెరకెక్కుతున్న ఈ చిత్రం 2026 సంక్రాంతి కానుకగా జనవరి 9న ప్రపంచవ్యాప్తంగా విడుదల కానుంది. ప్రభాస్ను వింటేజ్ లుక్లో, సరికొత్త కామెడీ టైమింగ్తో చూడాలని ఎదురుచూస్తున్న అభిమానులకు ఈ సినిమా ఐ ఫీస్ట్లా ఉండబోతోంది. ఇందులో మాళవికాతో పాటు నిధి అగర్వాల్, రిద్ధి కుమార్ కూడా కథానాయికలుగా నటిస్తున్నారు. ఎస్.ఎస్. థమన్ సంగీతం అందిస్తున్న ఈ చిత్రం ఇప్పటికే పాటలతో సందడి చేస్తోంది. జనవరి 8న భారత్లో పెయిడ్ ప్రీమియర్స్ నిర్వహించనున్నట్లు నిర్మాత టి.జి. విశ్వప్రసాద్ ఇప్పటికే ప్రకటించడంతో, బాక్సాఫీస్ వద్ద ‘రాజా సాబ్’ హవా మొదలైనట్లేనని ట్రేడ్ విశ్లేషకులు చెబుతున్నారు.
Read hindi news: hindi.vaartha.com
Epaper : epaper.vaartha.com
