టాలీవుడ్ ఎనర్జిటిక్ స్టార్ రామ్ పోతినేని గురించి ప్రేమ రూమర్స్ చక్కర్లు కొడుతున్నాయి. తెలుగు సినీ ఇండస్ట్రీలో మోస్ట్ ఎలిజిబుల్ బ్యాచిలర్గా పేరొందిన రామ్, తన కొత్త సినిమా RAPO22 షూటింగ్లో బిజీగా ఉన్నాడు. అయితే ఈ మూవీ హీరోయిన్ భాగ్యశ్రీ బోర్సేతో రామ్ డేటింగ్లో ఉన్నాడని సినీ వర్గాల్లో వార్తలు వినిపిస్తున్నాయి. లవ్ స్టోరీలో కలిసి నటిస్తున్న ఈ జంట నిజజీవితంలోనూ ప్రేమలో పడిపోయిందని టాలీవుడ్ వర్గాలు చెబుతున్నాయి.
సినీ వర్గాల్లో హాట్ టాపిక్
సినీ పరిశ్రమలో ఎప్పుడూ లవ్ రూమర్స్ కామన్. రామ్, భాగ్యశ్రీ మధ్య గాఢమైన బంధం ఏర్పడిందని, ఇద్దరూ తరచుగా కలిసి తిరుగుతున్నారని సమాచారం. షూటింగ్ గ్యాప్లలో కూడా వీరిద్దరూ చాలా సమయం కలిసి గడుపుతున్నారని, వారి మధ్య ప్రత్యేకమైన అనుబంధం ఉందని అంటున్నారు. అయితే ఇది కేవలం సహజీవనం అనుకునేవారూ ఉన్నారు.
గతంలోనూ రూమర్స్ వైరల్
ఇదే తరహాలో గతంలో రామ్, హీరోయిన్ అనుపమ పరమేశ్వరన్ ప్రేమలో ఉన్నారని రూమర్లు వచ్చాయి. హలో గురు ప్రేమకోసమే సినిమాలో ఈ జంట స్క్రీన్పై మంచి కెమిస్ట్రీ షేర్ చేసుకున్నారు. అప్పట్లోనూ వీరిద్దరూ ప్రేమలో ఉన్నట్లు ప్రచారం సాగింది. అయితే, ఆ వార్తలను రామ్ ఖండించాడు. ఇప్పుడు కూడా అదే తరహాలో రామ్, భాగ్యశ్రీ బోర్సే జోడీపై వార్తలు వైరల్ అవుతున్నాయి.
అధికారిక ప్రకటన రాలేదు
ప్రస్తుతం రామ్, భాగ్యశ్రీ మధ్య నిజంగా ఏదైనా సంబంధం ఉందా, లేక ఇది కేవలం ప్రచారమా అన్నది స్పష్టతకు రాలేదు. ఈ విషయంపై రామ్ నుంచి లేదా భాగ్యశ్రీ నుంచి ఎలాంటి అధికారిక ప్రకటన రాలేదు. సోషల్ మీడియాలో మాత్రం వీరి మధ్య రూమర్స్ రోజురోజుకు పెరుగుతూనే ఉన్నాయి.
ఫ్యాన్స్ ఆసక్తిగా ఎదురు చూస్తూ
ఇండస్ట్రీలో రామ్ కాస్త పర్సనల్ లైఫ్ విషయాల్లో చాలా రహస్యంగా ఉంటాడు. తన ప్రైవేట్ విషయాలను బయటకు వెల్లడించకుండా ఉండే రామ్, ఈ విషయంపై ఎలా స్పందిస్తాడో చూడాలి. నిజంగా వీరిద్దరి మధ్య ప్రేమ ఉందా, లేక ఇది మరో ప్రచారమా అన్నది త్వరలోనే క్లారిటీ రానుంది. ఫ్యాన్స్ మాత్రం రామ్ పెళ్లిపై ఎప్పుడూ ఆసక్తిగా ఎదురుచూస్తున్నారు.
