Akhanda 2 release date : బాలకృష్ణ ప్రధాన పాత్రలో తెరకెక్కుతున్న భారీ యాక్షన్ ఎంటర్టైనర్ ‘అఖండ 2’ కు ఎట్టకేలకు గ్రీన్ సిగ్నల్ లభించింది. 14 రీల్స్ ప్లస్ మరియు ఈరోస్ మధ్య ఆర్థిక వివాదాల కారణంగా డిసెంబర్ 5న విడుదల కావాల్సిన ఈ చిత్రం వాయిదా పడిన విషయం తెలిసిందే. ఈ నేపథ్యంలో కోర్టు కేసు కారణంగా సినిమా రిలీజ్ పై అనిశ్చితి నెలకొంది.
అయితే తాజాగా అన్ని ఆర్థిక సమస్యలు పరిష్కారం కావడంతో, మద్రాస్ హైకోర్టు సినిమా విడుదలకు అనుమతి ఇచ్చింది. దీంతో డిసెంబర్ 12న ‘అఖండ 2’ను థియేటర్లలో విడుదల చేయనున్నట్లు సమాచారం. ఈ విషయంపై ఈ రోజు సాయంత్రం చిత్ర యూనిట్ నుంచి అధికారిక ప్రకటన వచ్చే అవకాశం ఉంది.
Read Also: Nivetha Pethuraj: ఎంగేజ్మెంట్ ఫొటోలు తొలగించిన నివేదా!
ఏపీ, తెలంగాణ ప్రభుత్వాల అనుమతితో పేడ్ ప్రీమియర్స్ కూడా నిర్వహించనున్నట్లు టాక్ వినిపిస్తోంది. చివరి నిమిషంలో వాయిదా పడటంతో తీవ్రంగా (Akhanda 2 release date) నిరాశ చెందిన బాలయ్య అభిమానులకు ఇది భారీ ఊరట కలిగించే వార్తగా మారింది.
ఓవర్సీస్లో భారీ విడుదల లేకపోయినా, పాజిటివ్ టాక్ వస్తే సినిమా ఫలితం పూర్తిగా మారే అవకాశముంది. బాలకృష్ణ – బోయపాటి శ్రీను కాంబినేషన్కు ఉన్న క్రేజ్ దేశీయ మార్కెట్లో భారీ ఓపెనింగ్స్కు దోహదం చేస్తుంది.
‘అఖండ’లో ఇచ్చిన పవర్ఫుల్ అనుభూతిని బోయపాటి, బాలయ్య, థమన్ మరోసారి రిపీట్ చేస్తే, ‘అఖండ 2’ బాక్సాఫీస్ వద్ద విధ్వంసమే చేస్తుంది అన్న అంచనాలు ఉన్నాయి. విడుదల తేదీ ఖరారైన నేపథ్యంలో ఇప్పుడు సినిమాకు కావాల్సింది ఒక్కటే – మంచి టాక్. అది వస్తే హద్దులే ఉండవు.
Read hindi news: hindi.vaartha.com
Epaper : epaper.vaartha.com
Read Also:
