ఛాంపియన్స్ ట్రోఫీలో ఇంగ్లాండ్ బౌలింగ్ ఎదురుదెబ్బ తగిలింది. బ్రైడాన్సెమీ ఫైనల్ కార్స్ కాలి గాయంతో టోర్నమెంట్‌కు దూరమవ్వగా, అతని స్థానంలో స్పిన్నర్ రెహాన్ అహ్మద్‌ను జట్టులోకి తీసుకున్నారు. ఈ విషయాన్ని ఇంగ్లాండ్ వేల్స్ క్రికెట్ బోర్డు ( ఈసిబి) అధికారికంగా ప్రకటించింది.లాహోర్‌లో శనివారం జరిగిన ఆసీస్‌తో గ్రూప్-బి మ్యాచ్‌లో కార్స్ గాయపడ్డాడు. ఆస్ట్రేలియా భారీ లక్ష్యాన్ని ఛేదిస్తున్నప్పుడు, కార్స్ 9.85 ఎకానమీ రేటుతో బౌలింగ్ చేసి అత్యంత ఖరీదైన బౌలర్‌గా నిలిచాడు. భారత పర్యటనలోనే అతనికి కాలి బొటనవేలు గాయం తగిలినప్పటికీ, అది తీవ్రతరం కావడంతో చివరికి అతన్ని టోర్నమెంట్ నుంచి తప్పించాల్సి వచ్చింది. కార్స్ స్థానంలో ఎంపికైన 20 ఏళ్ల రెహాన్ అహ్మద్, ఇంగ్లాండ్ స్పిన్ దాడికి బలం చేకూరుస్తాడు. ప్రస్తుతం ఆదిల్ రషీద్ ఒక్కడే ఫ్రంట్‌లైన్ స్పిన్నర్‌గా ఉండగా, రెహాన్ చేరికతో ఆ విభాగంలో మరింత మెరుగుదల కనిపించనుంది. ఇప్పటివరకు ఐదు వన్డేల్లో 10 వికెట్లు తీసిన రెహాన్, గతంలో భారత పర్యటనకు వెళ్లినా ఏ మ్యాచ్‌కూ ఆడలేదు.కార్స్ గైర్హాజరీతో, జేమీ ఓవర్టన్ మళ్లీ ప్లేయింగ్ ఎలెవన్‌లో చోటు దక్కించుకునే అవకాశముంది. అలాగే, సాకిబ్ మహ్మూద్, గస్ అట్కిన్సన్ వంటి పేస్ బౌలింగ్ ఎంపికలు కూడా అందుబాటులో ఉన్నాయి.
ఇంగ్లాండ్ తమ సెమీ ఫైనల్ అవకాశాలను మెరుగుపరచుకోవడానికి తదుపరి మ్యాచ్‌లో ఆఫ్ఘనిస్తాన్‌పై గెలవాల్సిన అవసరం ఉంది. ఈ పరాజయంతో, ఇంగ్లాండ్ బౌలింగ్ విభాగం మరింత ఒత్తిడిని ఎదుర్కొంటోంది. ముఖ్యంగా, జోఫ్రా ఆర్చర్ మరియు ఇతర పేసర్లు నిరాశపరిచినట్లు స్పష్టంగా కనిపిస్తోంది.
15 మంది సభ్యుల జట్టు
జోస్ బట్లర్ (కెప్టెన్), జోఫ్రా ఆర్చర్, గస్ అట్కిన్సన్, టామ్ బాంటన్, హ్యారీ బ్రూక్, బెన్ డకెట్, జేమీ ఓవర్టన్, జేమీ స్మిత్, లియామ్ లివింగ్‌స్టోన్, ఆదిల్ రషీద్, జో రూట్, సాకిబ్ మహ్మూద్, ఫిల్ సాల్ట్, మార్క్ వుడ్, రెహాన్ అహ్మద్.
లాహోర్‌లోని గద్దాఫీ స్టేడియంలో జరిగిన ఛాంపియన్స్ ట్రోఫీ 2025 గ్రూప్ స్టేజ్ మ్యాచ్‌లో ఆస్ట్రేలియా ఇంగ్లాండ్‌పై 5 వికెట్ల తేడాతో ఘన విజయం సాధించింది.విజయంతో ఆస్ట్రేలియా గ్రూప్‌లో ముందంజలో నిలిచింది, ఇక ఇంగ్లాండ్ తర్వాతి మ్యాచ్‌ల్లో మెరుగైన ప్రదర్శన ఇవ్వాల్సిన అవసరం ఉంది. ప్రత్యేకంగా, రెహాన్ అహ్మద్ జట్టులో చేరిన తర్వాత అతని ప్రదర్శన ఎలా ఉంటుందో చూడాలి. ఇంగ్లాండ్ ఇప్పుడు తమ నెక్స్ట్ మ్యాచ్‌లో ఆఫ్ఘనిస్తాన్‌ను ఎదుర్కోనుంది, అది వారి సెమీ ఫైనల్ అవకాశాలను సజీవంగా ఉంచేందుకు కీలకంగా మారనుంది.
ప్రతిష్ఠాత్మక ఐసీసీ ఛాంపియన్స్ ట్రోఫీ వన్డే టోర్నమెంట్ ఫిబ్రవరి 19 నుంచి ప్రారంభం కానుంది ఈ టోర్నమెంట్‌కి పాకిస్తాన్ దుబాయ్ వేదికగా అన్ని జట్లు సిద్ధమవుతున్నాయి. అయితే Read more
ఐపీఎల్ (ఇండియన్ ప్రీమియర్ లీగ్) 2025 సీజన్‌లో భాగంగా గుజరాత్ టైటాన్స్ తో జరుగుతున్న మ్యాచ్‌లో లక్నో సూపర్ జెయింట్స్ టాస్ గెలిచి బౌలింగ్ ఎంచుకుంది. పిచ్ Read more
సిడ్నీ క్రికెట్ గ్రౌండ్‌లో ఆస్ట్రేలియాతో జరుగుతున్న ఐదో టెస్టులో భారత జట్టు జస్ప్రీత్ బుమ్రా గైర్హాజరీతో నడవాల్సి వచ్చింది. వెన్నునొప్పి కారణంగా బౌలింగ్ చేయకుండా విశ్రాంతి తీసుకున్న Read more
UAE లీగ్ ILT20లో 16వ మ్యాచ్‌లో దుబాయ్ క్యాపిటల్స్ వర్సెస్ గల్ఫ్ జెయింట్స్ మధ్య గెలుపు దుబాయ్ జట్టుకు వచ్చింది. ఈ మ్యాచ్‌లో శ్రీలంక క్రికెటర్ దసున్ Read more