దివంగత జూబ్లీహిల్స్ ఎమ్మెల్యే మాగంటి గోపీనాథ్పై (On Maganti Gopinath) దాఖలైన ఎన్నికల పిటిషన్లపై హైకోర్టు (High Court) విచారణను ముగించింది. గోపీనాథ్ అఫిడవిట్లో తప్పుడు సమాచారం ఇచ్చారని ఆరోపిస్తూ కాంగ్రెస్ నేత అజహరుద్దీన్, మరో అభ్యర్థి నవీన్ యాదవ్ కోర్టును ఆశ్రయించారు.ఈ కేసు విచారణ కొనసాగుతుండగానే మాగంటి గోపీనాథ్ అనారోగ్యంతో మరణించారు. ఆయన తరఫు న్యాయవాదులు ఈ విషయాన్ని హైకోర్టుకు తెలియజేశారు. దీంతో, ఈ పిటిషన్లపై విచారణ అవసరం లేదని ధర్మాసనం స్పష్టం చేసింది.
కౌశిక్రెడ్డిపై విచారణ పూర్తి, తీర్పు ఇంకా పెండింగ్
ఇక మరోవైపు, బీఆర్ఎస్ ఎమ్మెల్యే పాడి కౌశిక్రెడ్డి పై ఉన్న కేసుపై హైకోర్టు విచారణను పూర్తిచేసింది. కానీ తుది తీర్పును వాయిదా వేసింది. కౌశిక్రెడ్డిపై క్వారీ వ్యాపారి మనోజ్ను బెదిరించి రూ.50 లక్షలు డిమాండ్ చేశారని ఫిర్యాదు నమోదైంది.
రాజకీయ కక్షలే కేసుకు కారణమా?
ఈ కేసులో కౌశిక్రెడ్డి తరఫు న్యాయవాది రమణారావు వాదిస్తూ, రాజకీయ కక్షలతోనే ఈ ఫిర్యాదు వచ్చిందన్నారు. ఆయనపై ఉన్న ఆరోపణలు నిరాధారమని పేర్కొన్నారు. కానీ ప్రభుత్వ న్యాయవాది మాత్రం డబ్బు డిమాండ్కు ఆధారాలు ఉన్నాయని చెప్పారు.ఇరువైపుల వాదనలు విన్న తర్వాత, ధర్మాసనం తుది తీర్పును త్వరలోనే ప్రకటిస్తామని తెలిపింది. ప్రస్తుతం ఈ కేసు తీర్పు కోసం రెండు వర్గాలు వేచి చూస్తున్నాయి.
Read Also : AP heavy rains : ఏపీలో భిన్న వాతావరణ పరిస్థితులు…
