Middle East Conflict: పశ్చిమాసియాలో చెలరేగిన ఇరాన్-ఇజ్రాయెల్-అమెరికా మధ్య యుద్ధం ఇప్పుడు అంతర్జాతీయ స్థాయికి విస్తరిస్తూ ప్రపంచ దేశాలను రెండు వర్గాలుగా విభజిస్తోంది. మొదట ఇజ్రాయెల్ మరియు ఇరాన్ మధ్య ఘర్షణగా ప్రారంభమైన ఈ పోరులో, ఇప్పుడు అమెరికాకు అండగా బ్రిటన్, ఫ్రాన్స్, మరియు జర్మనీ వంటి యూరోపియన్ దేశాలు నిలిచాయి. మరోవైపు, ఇరాన్కు అండగా ఉంటామని చైనా బహిరంగంగానే ప్రకటించడంతో, ఈ యుద్ధం అగ్రరాజ్యాల మధ్య ప్రత్యక్ష పోరుగా మారే ప్రమాదం కనిపిస్తోంది.
Read Also:Iran: హార్ముజ్లోకి షిప్పులు వస్తే తగలబెట్టేస్తాం!
మిడిల్ ఈస్ట్లో మొదలైన ఈ ఉద్రిక్తతలు ఆసియా మరియు యూరప్ ఖండాలకు వేగంగా వ్యాపిస్తున్నాయి. ఇది కేవలం ప్రాంతీయ యుద్ధంగా మిగిలిపోతుందా లేదా ‘మూడవ ప్రపంచ యుద్ధం’ (World War III)కి దారితీస్తుందా అనే చర్చ అంతర్జాతీయ విశ్లేషకులలో మొదలైంది. ఒకవైపు నాటో (NATO) దేశాలు, మరోవైపు చైనా-ఇరాన్ కూటమి పరస్పర దాడులకు దిగితే, అది ప్రపంచవ్యాప్తంగా అపారమైన ప్రాణ, ఆస్తి నష్టాన్ని కలిగించే అవకాశం ఉందని మేధావులు హెచ్చరిస్తున్నారు.
ఈ యుద్ధ ప్రభావం ఇప్పటికే సామాన్యుడిపై పడటం మొదలైంది. అంతర్జాతీయంగా క్రూడ్ ఆయిల్ (ముడి చమురు) సరఫరాలో అంతరాయం ఏర్పడటంతో ఇంధన ధరలు ఆకాశాన్ని తాకుతున్నాయి. దీనివల్ల రవాణా ఖర్చులు పెరిగి, నిత్యావసర వస్తువుల ధరలు కూడా విపరీతంగా పెరగవచ్చని సామాన్య ప్రజలు ఆందోళన చెందుతున్నారు. యుద్ధం సుదీర్ఘ కాలం కొనసాగితే ప్రపంచవ్యాప్తంగా ఆర్థిక మాంద్యం తప్పదనే భయాలు నెలకొన్నాయి.
Read hindi news: hindi.vaartha.com
Epaper: epaper.vaartha.com
Read Also:
