Donald Trump Iran Speech: ఇరాన్ దేశ నాయకత్వం ప్రస్తుతం లొంగిపోయే స్థితికి చేరుకుందని అమెరికా అధ్యక్షుడు డొనాల్డ్ ట్రంప్ సంచలన ప్రకటన చేశారు. ఆ దేశ సైనిక వ్యవస్థను అమెరికా బలగాలు కోలుకోలేని విధంగా దెబ్బతీశాయని ఆయన స్పష్టం చేశారు.
Read also: Missile Attack on AliKhamenei: ఖమేనీ కుమార్తె, అల్లుడు మృతి? 40 మంది కమాండర్లు ఖతం
ప్రపంచం చూడని రీతిలో దాడులు
ఇరాన్లోని వందలాది వ్యూహాత్మక లక్ష్యాలపై అమెరికా అత్యంత శక్తివంతమైన దాడులు నిర్వహించిందని ట్రంప్ తెలిపారు. ముఖ్యంగా ఇస్లామిక్ రివల్యూషనరీ గార్డ్ కార్ప్స్ (IRGC) స్థావరాలు, గగనతల రక్షణ వ్యవస్థలు మరియు క్షిపణి కేంద్రాలను ప్రపంచం కనీవినీ ఎరుగని రీతిలో ధ్వంసం చేశామని పేర్కొన్నారు. ఈ దాడుల్లో ఇరాన్ సైనిక ఉన్నతాధికారులు అత్యధికులు మరణించారని, నాయకత్వ వ్యవస్థ పూర్తిగా విచ్ఛిన్నమైందని ఆయన వివరించారు.
Donald Trump Iran Speech: నౌకాదళం ధ్వంసం
గగనతల దాడులతో పాటు ఇరాన్కు చెందిన 9 యుద్ధ నౌకలను కూడా అమెరికా దళాలు నాశనం చేశాయని ట్రంప్ వెల్లడించారు. “ఇరాన్ నాయకత్వం ఇప్పుడు లొంగిపోయేందుకు సిద్ధంగా ఉంది. వారి అణ్వాయుధ సంకల్పం మరియు ఉగ్రవాద ప్రోత్సాహానికి చెక్ పెట్టే సమయం ఆసన్నమైంది” అని ఆయన ఉద్ఘాటించారు.
ట్రంప్ చేసిన ఈ ప్రకటనతో మధ్యప్రాచ్యంలో యుద్ధ మేఘాలు మరింత ముదిరాయి. అగ్రరాజ్యం చేపట్టిన ఈ మెరుపు దాడులతో ఇరాన్ తన మనుగడ కోసం చర్చలకు సిద్ధమవుతుందా లేదా అనే అంశంపై ప్రపంచవ్యాప్తంగా ఉత్కంఠ నెలకొంది.
hindi news: hindi.vaartha.com
Epaper: epaper.vaartha.com
Read Also:
