సుప్రీం కోర్టు న్యాయమూర్తి విక్రమ్ నాథ్ ఇటీవలే ఒక ఆసక్తికరమైన వ్యాఖ్య చేశారు. ఆయన చెప్పారు, “వీధి కుక్కల కేసుల వల్లే నాకు దేశవ్యాప్తంగా మాత్రమే కాదు, ప్రపంచవ్యాప్తంగా కూడా గుర్తింపు లభించింది.” ఈ వ్యాఖ్యలు ఆయన నేషనల్ లీగల్ సర్వీసెస్ అథారిటీ (NALSA) కేరళ స్టేట్ లీగల్ సర్వీసెస్ అథారిటీ (KSLSA) సంయుక్తంగా ఏర్పాటు చేసిన మానవ-వన్యప్రాణుల సంఘర్షణ, సహజీవనంపై ప్రాంతీయ సదస్సులో చేశారు.సదస్సులో వన్యప్రాణులు, వీధి జంతువుల సమస్యలు, వాటితో మనుషుల సంబంధాలు, సమగ్ర విధానాలపై చర్చలు జరిగాయి.జస్టిస్ నాథ్ అధ్యక్షతన ఉన్న సుప్రీం కోర్టులోని మూడు న్యాయమూర్తుల ధర్మాసనం ఇటీవల ఢిల్లీ-ఎన్సిఆర్ ప్రాంతంలోని వీధి కుక్కలతో సంబంధించిన ఒక కీలక తీర్పును ఇచ్చింది. గతంలో, ఈ ప్రాంతంలోని వీధి కుక్కలను స్టెరిలైజ్ చేసి షెల్టర్లలో ఉంచాలి అని రెండు న్యాయమూర్తుల ధర్మాసనం నిర్ణయించిందని గుర్తుంచుకోవాలి. అయితే, జస్టిస్ నాథ్ ధర్మాసనం ఆ నిర్ణయాన్ని సవరిస్తూ కొత్త విధానం ఆమోదించింది.
ప్రజా భద్రతను సమన్వయంగా పరిగణించాల్సిన అవసరం
కొత్త తీర్పు ప్రకారం, వీధి కుక్కలను స్టెరిలైజ్ చేసి వ్యాక్సినేషన్ చేసిన తర్వాత, వాటిని ముందుగా ఉన్న ప్రదేశంలో తిరిగి వదిలివేయాలి. ఇది కేవలం శిక్షణ లేదా షెల్టర్లలోనే పరిమితం చేయకుండా, వీధి కుక్కలకు సహజ వాసస్థలంలోనే జీవించడానికి అవకాశం కల్పించడమే ముఖ్య ఉద్దేశం. న్యాయమూర్తులు వివరణలో, మానవ-వన్యప్రాణుల సమన్వయాన్ని, జంతువుల సంక్షేమాన్ని, ప్రజా భద్రతను సమన్వయంగా పరిగణించాల్సిన అవసరం ఉందని గుర్తించారు.జస్టిస్ నాథ్ (Supreme Court Justice Vikram Nath) మాట్లాడుతూ, వీధి కుక్కల సమస్యలు కేవలం స్థానిక సమస్యలు కాకుండా జాతీయ, అంతర్జాతీయ దృష్టిలోని ప్రజా ఆరోగ్య, పౌర హక్కుల అంశాలు అని చెప్పారు. వీధి జంతువుల పరిస్థితిని సమగ్రంగా పరిగణించడం ద్వారా, మనుషులు, జంతువులు మధ్య సౌకర్యవంతమైన సహజీవనం సాధించవచ్చని ఆయన వివరించారు. వీధి కుక్కల సమస్యపై తీసుకున్న తీర్పు, NALSA, KSLSA , ఇతర సర్వీసెస్ అథారిటీలతో సమన్వయంతో, భవిష్యత్తులో ఇతర రాష్ట్రాల్లో కూడా మార్గదర్శకంగా నిలుస్తుందని పేర్కొన్నారు.
న్యాయవాదుల అధ్యక్షులు
సదస్సులో తన ప్రసంగాన్ని హాస్యంతో ప్రారంభించిన జస్టిస్ నాథ్.. “ఇప్పటి వరకు నేను న్యాయవాద వర్గాల్లో చేసిన పని కొద్దిపాటి మాత్రమే గుర్తింపు పొందాను. కానీ వీధి కుక్కల కేసు వల్లే నాకు ఈ దేశంలోనే కాకుండా ప్రపంచవ్యాప్తంగా సివిల్ సొసైటీలో గుర్తింపు వచ్చింది. ఈ కేసును నాకు కేటాయించినందుకు నా ప్రధాన న్యాయమూర్తికి నేను కృతజ్ఞతలు తెలియజేస్తున్నాను” అని అన్నారు.లా ఆసియా పోలా సదస్సును ప్రస్తావిస్తూ జస్టిస్ నాథ్.. సదస్సుల వివిధ దేశాల న్యాయవాదులు, న్యాయవాదుల అధ్యక్షులు కూడా ఉన్నారని గుర్తు చేశారు. వారంతా వీధి కుక్కల కేసు గురించి నన్ను ప్రశ్నలు అడగటం ప్రారంభించారన్నారు. భారతదేశం బయట కూడా నన్ను ప్రజలు గుర్తిస్తున్నారని తెలిసి నాకు చాలా సంతోషం కలిగిందని చెప్పారు. అందుకే నాకు ఈ గుర్తింపును ఇచ్చినందుకు వీధి కుక్కలకు నేను కృతజ్ఞతలు చెబుతున్నానన్నారు. అంతేకాకుండా.. మనుషులు ఇచ్చే దీవెనలు, శుభాకాంక్షలతో పాటు వీధి కుక్కలు కూడా నాకు ఆశీస్సులు, శుభాకాంక్షలు తెలియజేస్తున్నాయని నాకు మెసేజ్లు వస్తున్నాయన్నారు.
ఈ విధానానికి మనం దూరమయ్యామని
మనుషుల ఆశీర్వాదాలతో పాటు వాటి ఆశీర్వాదాలు కూడా నాకు ఉన్నాయని ఆయన నవ్వుతూ చెప్పారు.మనుషులు, వన్యప్రాణుల మధ్య సహజీవనం ప్రాముఖ్యతను నొక్కి చెబుతూ.. మానవులు శతాబ్దాలుగా వన్యప్రాణులు, ప్రకృతితో కలిసి జీవించారని జస్టిస్ నాథ్ గుర్తు చేశారు. గత కొన్ని దశాబ్దాలుగా ఈ విధానానికి మనం దూరమయ్యామని చెప్పుకొచ్చారు. దాని ఫలితమే ప్రస్తుతం సంఘర్షణకు దారితీసిందని వివరించారు. అయితే ఈ సంఘర్షణలకు పరిష్కారాలను కనుగొనడానికి మన రాజ్యాంగం ఒక ఫ్రేమ్వర్క్ను రూపొందించిందని పేర్కొన్నారు. ప్రస్తుతం జస్టిస్ నాథ్ చేసిన ఈ వ్యాఖ్యలు సామాజిక మాధ్యమాల్లో వైరల్గా మారాయి.
Read hindi news: hindi.vaartha.com
Read also:
