కుంభరాశి వారికి ఈ సంవత్సరం లగ్నం, వ్యయంలో రాహువు, ద్వితీయంలో శనీశ్వరుడు, పంచమం, షష్టమం, సప్తమంలో గురువు, సప్తమం, షష్టమంలో కేతువు, గ్రహ సంచారం గలదు. శని గ్రహ స్థానాన్ని, గురుగ్రహ స్థానాన్ని పరిశీలించుకుని తగిన శాంతి క్రతువులు జరిపించండి. సత్ఫలితాలు పొందుతారు. ఈ రాశిలో జన్మించిన వారు అఘోర పాశుపత హెూమం జరిపించండి. మెడలో కాలభైరవ రూపు ధరించండి. చేపట్టిన కార్యక్రమాలలో నూతన ఉత్సాహాన్ని కలిగి ఉంటారు. ఎంతగానో శ్రమించి ఆలోచనలు జరిపి వాటిని కార్యరూపంలోకి ప్రవేశపెట్టాలని దృఢమైన సంకల్పాన్ని కలిగి ఉంటారు. కొన్ని ప్రయత్నాలలో ఆటంకాలు అపశృతులు చోటు చేసుకున్నప్పటికీ వీటన్నిటిని చూసి భయపడకుండా చేయాలనుకున్న పనిని చేద్దామనుకున్న విధంగానే చేయగలుగుతారు.

ప్రజా సంబంధ బాంధవ్యాలతో కూడుకున్నటువంటి వ్యాపారాలు అనుకూలంగా ఉంటాయి. మంచి ఆదాయాన్ని పొందగలుగుతారు. సంవత్సర ద్వితీయార్థంలో అభివృద్ధిని సాధించగలుగుతారు. గురువుల ద్వారా వారి మాటల ద్వారా ఎంతగానో ప్రభావితమై మంచి బాటలో నడవాలి. అన్ని ఆలోచనలే ఎక్కువగా ఏర్పడతాయి. దూరపు దృష్టితో ఆలోచించుకొని కొన్ని కఠినమైన నిర్ణయాలను వెంటనే అమలుపరచాలన్న విధంగా ప్రయత్నాలు నడుస్తాయి. కళా సాంస్కృతిక రంగాల్లో ఉన్నవారికి మంచి అవకాశాలు లభిస్తాయి. ప్రజాదరణ పొందే పాత్రలను పొందగలుగుతారు. పారితోషికం ఊహించిన స్థాయిలో ఉండకపోవచ్చు. మోడలింగ్లో ఉన్నవారికి కలిసొస్తుంది. సంగీతం, నాట్యం, వేదికలపై ప్రసంగాలు చెప్పే వారికి అనుకూలంగా ఉంటుంది. రాజకీయాల్లో ఉన్నవారికి కూడా కాలం అనుకూలంగా ఉంటుంది. ప్రజా సంబంధ బాంధవ్యాలు మెరుగుపడతాయి. ప్రజలు ఆకర్షించే విధంగా మీ ప్రయత్నాలు, ప్రణాళికలు ఉంటాయి.

అనుకూలమైన వాతావరణం సన్నిహిత బృందం, సహచర బృందం నుంచి అందుకోగలుగుతారు. పారిశ్రామికవేత్తలకు కలిసొస్తుంది. పెట్టిన పెట్టుబడులు తిరిగి దక్కించుకోవచ్చు. దైవాధ్యాత్మిక అంశాలకు ఆకర్షణ కలిగి ఉంటారు. వినూత్న ఆలోచనలతో కొన్ని కార్యక్రమాలను ప్రారంభించి ఘనతను సంపాదిస్తారు. పెంపుడు జంతువుల పట్ల ఆకర్షితులవుతారు. కొన్ని జంతువులను పోషణ అందజేయాలన్న అభీష్టం ఉంటుంది. సంవత్సర ద్విత్వార్థంలో నెరవేర్చగలుగుతారు. ప్రేమ, వివాహం ముందుకి Previous సాగుతుంది. కొంతమందితో అంగీకారం లేకపోవడం తాత్కాలికంగా తలనొప్పిగా మారుతుంది. దూర, తాత్కాలిక ప్రయాణాలు తరచూ చేయవలసి వస్తాయి. మంచి ఫలితాలు మూడు వంతులు పొందగలుగుతారు. నర్సరీలు, చెట్ల పెంపకము నడిపే వారికి అనుకూలం. వ్యాపారం, ఫోటోగ్రఫీ, కళా/సాంస్కృతిక రంగాల్లో ఆదాయం, పేరు పొందగలుగుతారు. వివాహ, పునర్వివాహ ప్రయత్నాలు కలిసి వస్తాయి.