భారత క్రికెట్ జట్టు కెప్టెన్ రోహిత్ శర్మపై కాంగ్రెస్ అధికార ప్రతినిధి షమా మహ్మద్ చేసిన బాడీ షేమింగ్ వ్యాఖ్యలు తీవ్ర వివాదాస్పదంగా మారాయి. ఆమె రోహిత్ శర్మ లావుగా ఉన్నాడని, బరువు తగ్గాల్సిన అవసరం ఉందని వ్యాఖ్యానించారు. అంతేకాకుండా, రోహిత్ ప్రదర్శన ఏమాత్రం ఆకట్టుకునేలా లేదని, భారత క్రికెట్ చరిత్రలో అతడే అత్యంత ఆకర్షణీయమిగానీ, తక్కువ ప్రభావం చూపే కెప్టెన్ అని విమర్శించారు. అదృష్టం వల్ల మాత్రమే అతను కెప్టెన్ అయ్యాడంటూ ఆమె చేసిన వ్యాఖ్యలు క్రికెట్ అభిమానుల్లో,బీసీసీఐలో తీవ్ర ఆగ్రహాన్ని రేకెత్తించాయి.
వ్యతిరేకత
షమా మహ్మద్ వ్యాఖ్యలపై బీజేపీ నేతలు ఆమెను తీవ్రంగా తప్పుబట్టారు. క్రికెట్ అభిమానులు కూడా సోషల్ మీడియాలో ఆమె వ్యాఖ్యలను ఖండిస్తూ, రోహిత్ శర్మ కు మద్దతు తెలుపుతూ పెద్ద ఎత్తున పోస్టులు పెడుతున్నారు. బీసీసీఐ కూడా స్పందిస్తూ, షమా మహ్మద్ చేసిన వ్యాఖ్యలు పూర్తిగా అనవసరమని, బాడీ షేమింగ్‌ను ప్రోత్సహించేలా ఉన్నాయని అభిప్రాయపడింది. అలాగే, పలు మాజీ క్రికెటర్లు, రాజకీయ ప్రముఖులు కూడా ఆమె వ్యాఖ్యలు సరికాదని ఖండించారు.
కేటీఆర్ స్పందన
ఈ వివాదంపై తాజాగా బీఆర్ఎస్ వర్కింగ్ ప్రెసిడెంట్, తెలంగాణ మాజీ మంత్రి కేటీఆర్ ‘ఎక్స్’ (ట్విట్టర్) వేదికగా స్పందించారు. ఆయన కాంగ్రెస్ పార్టీపై తీవ్ర విమర్శలు చేస్తూ, అవమానకర వ్యాఖ్యలు, బాడీ షేమింగ్ చేయడం వారికి కొత్తేమీ కాదని వ్యాఖ్యానించారు.రోహిత్‌పై కాంగ్రెస్ అధికార ప్రతినిధి షమా మహ్మద్ చేసిన వ్యాఖ్యలపై చాలా మంది ఎందుకు కోపంగా ఉన్నారో నాకైతే అర్థం కావ‌డం లేదు. బాడీ షేమింగ్, అవమానకర వ్యాఖ్యలు, భ్రాంతిక‌ర ప్ర‌క‌ట‌న‌లు కాంగ్రెస్ పార్టీ ముఖ్య ల‌క్ష‌ణం. హిట్‌మ్యాన్‌కు కాంగ్రెస్ ప్రతినిధి నుంచి ఫిట్‌నెస్ స‌ల‌హా, విజ‌యాల‌పై ఉప‌న్యాసాలు అవ‌స‌ర‌మ‌ని అనుకోవ‌డం పెద్ద జోక్‌.
సినిమా తార‌లు, వారి కుటుంబ స‌భ్యుల‌పై అవమానకర వ్యాఖ్య‌ల‌తో ఒక తెలంగాణ మంత్రి కోర్టుకు హాజ‌ర‌వుతున్నార‌ని మీకు తెలుసా రోహిత్ భాయ్ మీరు అనుభ‌వించిన క‌ఠిన క్షణాలకు ఒక తోటి భార‌తీయుడిగా క్ష‌మాప‌ణ‌లు చెబుతున్నా. మీరు ఒక సంపూర్ణ రాక్‌స్టార్‌. ఏ తెలివి తక్కువ రాజకీయ నేత అభిప్రాయం మీ ప్ర‌తిష్ఠను దెబ్బ‌తీయ‌లేదు అని కేటీఆర్ తన ట్వీట్‌లో పేర్కొన్నారు.
బాడీ షేమింగ్ లాంటి అంశాలు ఏ రంగంలోనైనా సమర్థనీయమైనవి కావు. రోహిత్ శర్మ వంటి గొప్ప ఆటగాడు తన ఆటతీరు, నాయకత్వంతో భారత క్రికెట్‌కు చేసిన సేవలను కించపరచడం ఏ రాజకీయ పార్టీకి కూడా మంచిది కాదు. ఈ వివాదం మరింత ముదిరే అవకాశముండగా, రోహిత్ శర్మపై అభిమానుల మద్దతు మాత్రం బలంగా కొనసాగుతోంది.
జమ్మూకశ్మీర్ ముఖ్యమంత్రి ఒమర్ అబ్దుల్లా మహిళలకు శుభవార్త చెప్పారు.అంతర్జాతీయ మహిళా దినోత్సవం సందర్భంగా ఏప్రిల్ 1 నుంచి ప్రభుత్వ రంగ బస్సుల్లో మహిళలకు ఉచిత ప్రయాణ సౌకర్యాన్ని Read more
ఆరోగ్య బీమా క్లెయిమ్‌లలో 11% తిరస్కరించబడ్డాయి, ప్రీమియంలు ఎక్కువ: IRDAI నివేదిక భారతదేశంలోని బీమా కంపెనీలు 2023-24లో 11% ఆరోగ్య బీమా క్లెయిమ్‌లను తిరస్కరించాయి, భారత బీమా Read more
RBI Interest Rates : భారతీయ రిజర్వ్ బ్యాంక్ (ఆర్‌బీఐ), దేశంలోని రుణగ్రహీతలకు 'రెండోసారి' ఊరట కల్పించింది. బ్యాంక్ వడ్డీ రేట్లను ప్రభావితం చేసే రెపో రేటును Read more
ఏప్రిల్ 1, 2025 నుంచి దేశంలో కొత్త ఆర్థిక సంవత్సరం ప్రారంభమవుతుంది. దీనిలో భాగంగా ఆదాయపు పన్ను నిబంధనల్లో మార్పులు చోటుచేసుకున్నాయి. కొత్త ట్యాక్స్ రీతిలో రూ.12 Read more