తెలంగాణకు కేంద్ర ప్రభుత్వం మరొక శుభవార్త అందించింది. ఆదిలాబాద్ విమానాశ్రయానికి అనుమతి ఇచ్చేందుకు అధికారిక ఉత్తర్వులు జారీ చేసింది. ఇదివరకే మామునూరు విమానాశ్రయానికి కేంద్రం ఆమోదం తెలిపిన సంగతి తెలిసిందే. తాజాగా, రాష్ట్రంలో మరో విమానాశ్రయానికి భారత వాయుసేన గ్రీన్ సిగ్నల్ ఇచ్చింది. ఈ విషయాన్ని రాష్ట్ర మంత్రి కోమటిరెడ్డి వెంకటరెడ్డి ప్రకటించారు. ఆదిలాబాద్ ప్రజలతో పాటు మొత్తం తెలంగాణ రాష్ట్ర ప్రజలకూ ఇది విశేషమైన వార్తగా మారిందని ఆయన తెలిపారు.ఇంతకుముందు మామునూరు విమానాశ్రయానికి అనుమతులు పొందిన తెలంగాణ ప్రభుత్వం, ఇప్పుడు ఆదిలాబాద్ విమానాశ్రయానికి కూడా గ్రీన్ సిగ్నల్ తెచ్చుకోవడం పట్ల సంతోషం వ్యక్తం చేసింది.
కేవలం ఆరు నెలల వ్యవధిలోనే రెండు విమానాశ్రయాలకు కేంద్రం అనుమతులు మంజూరు చేయడం, రాష్ట్ర ప్రభుత్వ కృషికి నిదర్శనమని మంత్రి వెంకటరెడ్డి పేర్కొన్నారు.ఈ విమానాశ్రయాన్ని పౌర విమానాల రాకపోకలతో పాటు, ఎయిర్ ఫోర్స్ కార్యకలాపాలకు అనుగుణంగా అభివృద్ధి చేయాలని భారత వాయుసేన సూచించినట్లు మంత్రి వెల్లడించారు. ఈ మేరకు అవసరమైన భూమిని ఎయిర్‌పోర్ట్ అథారిటీ ఆఫ్ ఇండియాకు (AAI) అప్పగించాలని సంబంధిత అధికారులకు లేఖ ద్వారా తెలియజేసినట్లు తెలిపారు.తెలంగాణ రాష్ట్రంలో విమానాశ్రయాల అభివృద్ధికి సహాయ సహకారాలు అందిస్తున్నందుకు ప్రధాన మంత్రి నరేంద్ర మోదీ, కేంద్ర పౌర విమానయాన శాఖ మంత్రి రామ్మోహన్ నాయుడుకు మంత్రి వెంకటరెడ్డి ధన్యవాదాలు తెలియజేశారు. కేంద్రం నుంచి మరిన్ని అభివృద్ధి ప్రాజెక్టులు రాష్ట్రానికి రావాలని ఆశిస్తున్నామని ఆయన పేర్కొన్నారు.
తెలుగు సినీ పరిశ్రమలో తనకంటూ ప్రత్యేక గుర్తింపు తెచ్చుకున్న గ్లోబల్ స్టార్ రామ్ చరణ్ నేడు పుట్టినరోజును జరుపుకుంటున్నారు. ఈ సందర్భంగా అభిమానులు, సినీ ప్రముఖులు, రాజకీయ Read more
హైదరాబాద్‌: తెలంగాణ పర్యాటక శాఖ కృష్ణా నదిలో జల విహారానికి సిద్ధమైంది. ఈ మేరకు ప్రయాణికుల కోసం టూర్ ప్యాకేజీలను అందుబాటులోకి తెచ్చారు. ఈ నేపథ్యంలోనే రోజు Read more
జొమాటో సీఈవో దీపిందర్ గోయల్ ఇటీవల ప్రకటించిన ‘చీఫ్ ఆఫ్ స్టాఫ్’ ఉద్యోగానికి 24 గంటల్లోనే 10,000 దరఖాస్తులు వచ్చాయన్న విషయం ఆయన స్వయంగా వెల్లడించారు. ఈ Read more
తెలంగాణ శాసనసభ వేదికగా రాజకీయ వేడి పెరుగుతోంది. ముఖ్యమంత్రి రేవంత్ రెడ్డి చేసిన వ్యాఖ్యలు వివాదాస్పదమయ్యాయి. ఆయన మాట్లాడిన భాషపై బీఆర్ఎస్ సీనియర్ నేత, మాజీ మంత్రి Read more