మాజీ మంత్రి కొడాలి నాని ముంబయిలోని ఏషియన్ హార్ట్ హాస్పిటల్‌లో గుండె శస్త్రచికిత్స విజయవంతంగా పూర్తయింది. ప్రస్తుతం ఆయన ఆరోగ్యంగా ఉన్నారని, కుటుంబ సభ్యులతో మాట్లాడిన అనంతరం విశ్రాంతి తీసుకుంటున్నారని సమాచారం. వైద్యుల పర్యవేక్షణలో ఆయన మరో మూడు రోజుల పాటు ఆసుపత్రిలో ఉంటారని తెలిసింది.గత వారం రోజులుగా కొడాలి నాని గ్యాస్ట్రిక్ సమస్యలతో బాధపడుతూ హైదరాబాద్‌లోని గచ్చిబౌలి ఏఐజీ ఆసుపత్రిలో చికిత్స పొందారు. అక్కడ వైద్య పరీక్షలు నిర్వహించగా, గుండె సంబంధిత సమస్యలు ఉన్నట్లు గుర్తించారు.
హృదయంలోని మూడు వాల్వ్‌లలో సమస్యలు ఉన్నాయని నిర్ధారణ కావడంతో, స్టంట్ లేదా బైపాస్ సర్జరీ అవసరమని వైద్యులు సూచించారు.మెరుగైన చికిత్స కోసం కుటుంబ సభ్యులు ఆయనను ముంబయికి తరలించారు.ఈ క్రమంలోనే ఈరోజు ముంబయిలోని ఏషియన్ హార్ట్ హాస్పిటల్‌లో శస్త్రచికిత్స జరిగింది. ప్రముఖ కార్డియాక్ సర్జన్ డాక్టర్ రమాకాంత్ పాండా నేతృత్వంలోని వైద్య బృందం దాదాపు 10 గంటల పాటు శ్రమించి శస్త్రచికిత్సను విజయవంతంగా పూర్తి చేసింది. ప్రస్తుతం కొడాలి నాని ఆరోగ్యంగా ఉండడంతో కుటుంబ సభ్యులు, ఆయన మద్దతుదారులు ఊపిరిపీల్చుకున్నారు. త్వరలోనే పూర్తిగా కోలుకుని తిరిగి ప్రజల మధ్యకి రాబోతున్నారని సమాచారం.
LRS : తెలంగాణ ప్రభుత్వం మరో కీలక నిర్ణయం తీసుకుంది. లేఅవుట్ల క్రమబద్ధీకరణ పథకం(ఎల్ఆర్ఎస్) రాయితీ గడువును పొడిగించింది. ఏప్రిల్ 30 వరకు అవకాశం కల్పించింది. గత Read more
యమునా నదిలో కాలుష్యం వల్ల ఢిల్లీలో నీటి కొరత యమునా నదిలో అమ్మోనియా స్థాయిలు పెరగడంతో, దేశ రాజధాని ఢిల్లీలో పలు ప్రాంతాలు నీటి కొరతను ఎదుర్కొంటున్నాయి. Read more
శ్రీరామనవమి సందర్భంగా హోంమంత్రి అనిత తిరుమల దర్శనం ఆంధ్రప్రదేశ్ ప్రజలందరికీ శ్రీరామనవమి శుభాకాంక్షలు తెలియజేస్తూ రాష్ట్ర హోంమంత్రి వంగలపూడి అనిత తిరుమల శ్రీవారిని కుటుంబ సమేతంగా దర్శించుకున్నారు. Read more
గ్లోబల్ స్టార్ రామ్ చరణ్ ఫ్యాన్స్ కు మ్యూజిక్ డైరెక్టర్ తమన్ కిక్కిచ్చే న్యూస్ చెప్పారు. డైరెక్టర్ శంకర్ (Shankar) - మెగా పవర్ స్టార్ రామ్ Read more