ప్రస్తుతం భారత్ మరియు ఇంగ్లండ్ మధ్య టీ20 సిరీస్ జరుగుతుంది. ఈ సిరీస్ అనంతరం ఇరు జట్ల మధ్య 3 వన్డేలు జరగనున్నాయి. అయితే, టీ20 జట్టులో లేని రోహిత్ శర్మ, యశస్వి జైస్వాల్, శ్రేయాస్ అయ్యర్ వంటి కీలక ఆటగాళ్లు ప్రస్తుతం రంజీ ట్రోఫీలో పాల్గొంటున్నారు.ఈ ముగ్గురు ఆటగాళ్లు ముంబై జట్టులో ఉన్నారు.జమ్మూ కాశ్మీర్‌తో జరిగిన మ్యాచ్‌లో ముంబై జట్టు ఓటమిని చవిచూడాల్సి వచ్చింది.ఇప్పుడు జనవరి 30 నుంచి మేఘాలయతో తదుపరి మ్యాచ్ ఆడాల్సి ఉంది.ఈ నేపథ్యంలో, రోహిత్, జైస్వాల్, అయ్యర్ పై కీలక అప్‌డేట్ వెలువడింది.
ముంబై మరియు మేఘాలయ జట్ల మధ్య ఈ మ్యాచ్ బీకేసీలోని శరద్ పవార్ క్రికెట్ అకాడమీలో జరగనుంది.అయితే, ఈ మ్యాచ్‌కు రోహిత్ శర్మ, యశస్వి జైస్వాల్, శ్రేయాస్ అయ్యర్ అందుబాటులో ఉండరు.ఇంగ్లండ్‌తో జరిగే మూడు వన్డే మ్యాచ్‌ల సిరీస్‌కు ముందే ఈ ముగ్గురు ఆటగాళ్లు శిబిరానికి చేరుకోవాల్సి ఉంటుంది. ఫిబ్రవరి 6 నుండి ఈ సిరీస్ ప్రారంభమవుతుంది.ఇంకా, శివమ్ దూబే కూడా ముంబై జట్టులో అందుబాటులో ఉండరు.అతడు ప్రస్తుతం ఇంగ్లండ్‌తో జరుగుతున్న టీ20 సిరీస్‌లో టీమ్ ఇండియాలో చోటు సంపాదించాడు.
జమ్మూ కాశ్మీర్‌తో జరిగిన మ్యాచ్‌లో ముంబై జట్టు 5 వికెట్ల తేడాతో ఓటమి చెందింది.ఈ మ్యాచ్‌లో రోహిత్ శర్మ,యశస్వి జైస్వాల్, శ్రేయాస్ అయ్యర్,శివమ్ దూబే అన్ని ఆటగాళ్లూ ఫ్లాప్ అయ్యారు.రోహిత్ శర్మ తొలి ఇన్నింగ్స్‌లో 3 పరుగులు మాత్రమే చేసి,రెండో ఇన్నింగ్స్‌లో 28 పరుగులు చేశాడు.
యశస్వి జైస్వాల్ మొదటి ఇన్నింగ్స్‌లో 4 పరుగులు చేసి,రెండో ఇన్నింగ్స్‌లో 26 పరుగులు చేయగలిగాడు.శ్రేయాస్ అయ్యర్ కూడా ప్రారంభంలో 11, తర్వాత 17 పరుగులు మాత్రమే చేయగలిగాడు.శివమ్ దూబే రెండు ఇన్నింగ్స్‌లలోనూ ఖాతా తెరవకుండానే ఔట్ అయ్యాడు.ఈ స్టార్ ఆటగాళ్ల లేకపోవడం వల్ల ముంబై ప్లేయింగ్ 11లో కొన్ని మార్పులు చోటు చేసుకోనున్నాయి.ఫామ్‌లో ఉన్న ఓపెనింగ్ బ్యాట్స్‌మన్ ఆయుష్ మ్హత్రే తిరిగి జట్టులో చేరే అవకాశం ఉంది.అతను గత ఐదు మ్యాచ్‌ల్లో 45.33 సగటుతో 408 పరుగులు చేశాడు, ఇందులో రెండు సెంచరీలు ఉన్నాయి. అలాగే, ఆల్ రౌండర్ సూర్యన్ష్ షేజ్ కూడా ప్లేయింగ్ 11లో చోటు పొందొచ్చు.ప్రజ్ఞేష్ కాన్పిల్లెవార్ కూడా ఈ మ్యాచ్‌లో ఆడేందుకు ఆసక్తిగా ఉన్నాడు.
క్రికెట్ ప్రేమికులు ఎంతో ఆసక్తిగా ఎదురుచూసిన ఇండియన్ ప్రీమియర్ లీగ్ (IPL) 2025 నేడు అట్టహాసంగా ప్రారంభం కానుంది. 2008లో మొదటి సీజన్‌తో మొదలైన ఈ క్రికెట్ Read more
కరుణ్ నాయర్ ప్రస్తుతం విజయ్ హజారే ట్రోఫీలో అద్భుతమైన ఫామ్‌లో ఉన్నాడు. వరుసగా సెంచరీలు సాధించి, తన బ్యాటింగ్ నైపుణ్యాన్ని అందరికి చూపిస్తున్నాడు. ఎనిమిది ఇన్నింగ్స్‌లలో ఏడుసార్లు Read more
బోర్డర్-గవాస్కర్ ట్రోఫీలో భారత్ ఓటమిపై భారత క్రికెట్ బోర్డు తీవ్రంగా స్పందించింది. భారత జట్టుపై బిసిసిఐ కొరడా ఝుళిపించిందని, ఆటపై వారి దృష్టిని తిరిగి పొందడానికి కఠినమైన Read more
తాలిబాన్ పాలనలో మహిళల హక్కులపై ఉల్లంఘనలు దృష్టిలో ఉంచుకొని, ఛాంపియన్స్ ట్రోఫీలో ఆఫ్ఘనిస్తాన్‌తో జరిగే మ్యాచ్‌ను బహిష్కరించాలని బ్రిటిష్ రాజకీయ నేతలు ఇంగ్లాండ్ అండ్ వేల్స్ క్రికెట్ Read more