న్యూయార్క్‌ : అమెరికా తదుపరి అధ్యక్షుడు డొనాల్డ్‌ ట్రంప్ కు సంబంధించిన హష్ మనీ కేసులో న్యూయార్క్‌ కోర్టు తీర్పు వెలువరించింది. ఈ కేసులో ట్రంప్ దోషిగా తేలినా, ఆయనకు అన్‌కండిషనల్‌ డిశ్చార్జ్‌ చేసింది. ఆయనకు న్యాయమూర్తి ఎటువంటి జైలు శిక్ష లేదా జరిమానా విధించలేదు. అయితే, దోషిగా నిర్ధారించబడిన తొలి అమెరికా అధ్యక్షుడిగా ట్రంప్ చరిత్రలో నిలవనున్నారు.
హష్ మనీ కేసుకు సంబంధించి న్యూయార్క్‌ కోర్టు జడ్జి జువాన్‌ ఎం.మెర్చన్‌ తీర్పు వెలువరించగా, వర్చువల్‌గా విచారణలో పాల్గొన్న ట్రంప్ తాను ఏ తప్పు చేయలేదని స్పష్టం చేశారు. ఈ కేసు తనపై రాజకీయ దాడిగా భావిస్తున్నానని, ఇది తన ప్రతిష్ఠను దెబ్బతీసేందుకు చేసిన కుట్ర మాత్రమేనని ఆరోపించారు. అంతేకాక, తనకు లక్షలాది పాపులర్‌ ఓట్లు వచ్చాయని, అమెరికా ప్రజలు తనకు మద్దతు ఇచ్చారని చెప్పుకొచ్చారు.
2016 ఎన్నికల సమయంలో, శృంగార తార స్టార్మీ డానియల్స్‌తో తన వ్యక్తిగత సంబంధాలపై ఆమె నోరు విప్పకుండా ఉండేందుకు ట్రంప్ తన న్యాయవాది ద్వారా $1.30 లక్షల హష్ మనీ చెల్లించారని ఆరోపణలు వచ్చాయి. తన వ్యాపార, ఎన్నికల ప్రచార నిధులను దుర్వినియోగం చేసి, ఆ రికార్డులను తారుమారు చేశారని ట్రంప్ పై ప్రధాన అభియోగం. 34 అంశాల్లో నేరారోపణలు ఎదుర్కొన్న ట్రంప్‌పై ఆరు వారాల విచారణ అనంతరం 12 మంది సభ్యులతో కూడిన ధర్మాసనం ఆయనను దోషిగా తేల్చింది. కోర్టు విచారణలో స్టార్మీ డానియల్స్ సహా 22 మంది సాక్షులను పరిశీలించింది. ట్రంప్‌తో సంబంధాల గురించి స్టార్మీ డానియల్స్ కోర్టులో తన వాంగ్మూలం ఇచ్చింది.
హష్ మనీ కేసులో డొనాల్డ్‌ ట్రంప్‌కు ఏ శిక్ష విధిస్తారు అనే దానిపై ఉత్కంఠ కొనసాగింది. న్యాయ నిపుణుల ప్రకారం, ట్రంప్‌కు జైలు శిక్ష లేదా భారీ జరిమానా విధించే అవకాశం ఉంది. అయితే, ఇంతకు ముందు ఇలాంటి కేసుల్లో ఎక్కువగా జరిమానానే విధించబడిందని, ఈసారి కూడా ట్రంప్‌కు జరిమానాతోనే శిక్ష ముగిసే అవకాశం ఉందని చాలామంది భావించారు. అయితే, న్యూయార్క్‌ కోర్టు జడ్జి జువాన్‌ మర్చెన్‌ ఈ కేసు గురించి కొన్ని రోజుల ముందు స్పందిస్తూ, ట్రంప్ వంటి వ్యక్తులకు జరిమానా విధించడం సరిపోదని, జైలు శిక్షే విధించాల్సిందిగా అభిప్రాయపడ్డారు.
తెలంగాణ రాష్ట్రంలో ఒక్కసారిగా వాతావరణం మారిపోయింది. గత కొన్ని రోజులుగా తీవ్రమైన ఎండలు, ఉక్కపోతతో అల్లాడిన ప్రజలకు ఆకస్మిక వర్షాలు కాస్త ఉపశమనం కలిగించాయి. శుక్రవారం ఉదయం Read more
ప్రపంచంలోని విలువైన వజ్రాలలో ఒకటిగా పేరు పొందిన గోల్కొండ నీలి వజ్రం మళ్లీ ప్రపంచ వ్యాప్తంగా దృష్టిని ఆకర్షిస్తోంది. ఇది స్వాతంత్య్రానికి పూర్వం భారత రాజవంశాల ఆధీనంలో Read more
తెలంగాణలో ఉష్ణోగ్రతలు విపరీతంగా పెరుగుతున్నాయి. రాష్ట్రవ్యాప్తంగా అధిక ఉష్ణోగ్రతల కారణంగా హీట్ స్ట్రోక్ ముప్పు పెరుగుతున్న నేపథ్యంలో ప్రజలు అప్రమత్తంగా ఉండాలని ప్రభుత్వం సూచించింది. మౌసం విభాగం Read more
ఆంధ్రప్రదేశ్ డిప్యూటీ సీఎం, జనసేన అధినేత పవన్ కళ్యాణ్ ఈ నెల 28న పశ్చిమ గోదావరి జిల్లాలో పర్యటించనున్నారు. ఈ పర్యటనలో ఆయన ప్రజల సమస్యలను ప్రత్యక్షంగా Read more