ఢిల్లీ ఎన్నికల్లో కాంగ్రెస్, ఆమ్ ఆద్మీ పార్టీలు తీవ్ర పరాజయాన్ని ఎదుర్కొంటున్న వేళ, జమ్మూ కశ్మీర్ సీఎం ఒమర్ అబ్దుల్లా ఇండీ కూటమిపై వ్యంగ్యంగా విమర్శలు గుప్పించారు. సోషల్ మీడియాలో రామాయణం సీరియల్‌కు సంబంధించిన ఓ జిఫ్‌ను షేర్ చేసిన ఆయన “జీవితమంతా కొట్టుకుంటూ ఉండండి, ఒకరినొకరు అంతం చేసుకోండి” అనే సందేశంతో కాంగ్రెస్-ఆప్ పార్టీల మధ్య ఉన్న విభేదాలను ఉద్దేశించి విమర్శించారు.
ఇండియా కూటమి స్థాపన సమయంలో బీజేపీకి బదిలీగా మిగతా ప్రతిపక్ష పార్టీలు ఒకటై పనిచేయాలని నిర్ణయించుకున్నా, గ్రౌండ్ లెవల్‌లో ఆ సంగతులు కనిపించకపోవడం విస్మయకరంగా మారింది. ఢిల్లీలో కాంగ్రెస్, ఆప్ పార్టీలు కలిసికట్టుగా పోటీ చేయడం లేదు. ఒకే కూటమిలో ఉన్నా, సీట్ల పంపిణీ విషయంలో మళ్లీ పోటీ స్థాయిలోనే వ్యవహరించాయి. ఇదే కారణంగా ప్రజలు ఆ పార్టీలు పట్ల విశ్వాసం కోల్పోయారని విశ్లేషకులు భావిస్తున్నారు.
ఒమర్ అబ్దుల్లా వ్యాఖ్యలు ఇండీ కూటమిలో ఉన్న విభేదాలను మళ్లీ హైలైట్ చేశాయి. ప్రతిపక్ష కూటమిగా బీజేపీని ఎదుర్కొనాలనుకున్న పార్టీల మధ్య అసలు ఐక్యత లేదని ఆయన పరోక్షంగా చెప్పకనే చెప్పారు. ఢిల్లీ ఎన్నికల ఫలితాలు చూస్తే కూడా, కూటమిలో లేని ఏకత్వం వల్లే ఓటమిని మూటగట్టుకున్నట్లు స్పష్టమవుతోంది. ఇండియా కూటమిలో సమన్వయం లేకుంటే వచ్చే ఎన్నికల్లోనూ ఇదే పరిస్థితి కొనసాగవచ్చని రాజకీయ విశ్లేషకులు అభిప్రాయపడుతున్నారు. ఢిల్లీ మాదిరిగా ఇతర రాష్ట్రాల్లోనూ కాంగ్రెస్-ఆప్ వంటి ప్రధాన పార్టీలు ఒకదానితో ఒకటి పోటీ పడి బీజేపీకి లాభం చేకూరేలా వ్యవహరిస్తే, ప్రధాన ప్రతిపక్ష కూటమిగా ఇండీ నిలదొక్కుకోవడం కష్టమవుతుంది. మొత్తంగా ఒమర్ అబ్దుల్లా చేసిన వ్యాఖ్యలు ప్రతిపక్ష పార్టీల విబేధాలను మరింత తెరమీదకు తెచ్చాయి.
50:50 పథకం కింద ముడా ద్వారా స్థలాల కేటాయింపులో జరిగిన కుంభకోణంలో ముఖ్యమంత్రి సిద్ధరామయ్య, ఆయన భార్య, బంధువులకు లోకాయుక్త పోలీసులు క్లీన్ చిట్ ఇచ్చినట్లు సమాచారం. Read more
కర్నూలు : దక్షిణ భారతదేశంలోనే అత్యుత్తమ సంతానోత్పత్తి సంరక్షణ నెట్‌వర్క్ గా గుర్తింపు పొందిన ఫెర్టీ9 ఫెర్టిలిటీ సెంటర్, కర్నూలులో తమ అధునాతన సౌకర్యాన్ని ప్రారంభించినట్లు వెల్లడించింది. Read more
వరంగల్ లో లక్ష మందితో సభ నిర్వహించాలని కేసీఆర్ నిర్ణయం బీఆర్ఎస్ అధినేత, మాజీ సీఎం కల్వకుంట్ల చంద్రశేఖర్ రావు (కేసీఆర్) తన పార్టీ భవిష్యత్ కార్యాచరణపై Read more
ప్రముఖ నటుడు ముస్తాక్ ఖాన్ కిడ్నాప్ ఘటన ఆలస్యంగా వెలుగులోకి వచ్చింది. 'స్త్రీ-2', 'వెల్కమ్' వంటి చిత్రాల్లో తన నటనతో గుర్తింపు పొందిన ఆయనను దుండగులు గతనెల Read more