USA layoffs 2025: 2025లో అమెరికా(USA) ఉద్యోగ మార్కెట్ తీవ్రమైన ఒత్తిడిని ఎదుర్కొంటోంది. ఈ ఏడాది జనవరి నుంచి నవంబర్ వరకు మాత్రమే దేశవ్యాప్తంగా 1.17 మిలియన్కు పైగా ఉద్యోగాలు కోతకు గురయ్యాయి. ఇది 2024తో పోలిస్తే దాదాపు 54% ఎక్కువ. ప్రత్యేకంగా నవంబర్ నెలలో 71,000 మందికి పైగా ఉద్యోగాల(Jobs)ను కోల్పోవడం, గత ఎన్నో సంవత్సరాలలోనే అత్యధిక నవంబర్ తొలగింపులుగా నమోదైంది. ఈ పరిస్థితి అమెరికా కార్మిక రంగం ఎదుర్కొంటున్న సంక్షోభాన్ని స్పష్టంగా సూచిస్తోంది.
Read Also: Russia: పుతిన్ భారత్ పర్యటనపై అక్కసు వెళ్ళగక్కిన పాకిస్తాన్
AI ప్రభావం
ఉద్యోగాల కోతలో టెక్నాలజీ, టెలికాం, రిటైల్, ప్రభుత్వ రంగాలు ముందంజలో ఉన్నాయి. టెలికాం రంగంలో ఒక్క నవంబర్ నెలలోనే 15,000 మందికి పైగా ఉద్యోగాలు తగ్గించగా, ఇది గత ఐదేళ్లలో అత్యధిక కోతగా నిలిచింది. అమెజాన్, మైక్రోసాఫ్ట్(Microsoft), మెటా, ఇంటెల్, HP వంటి ప్రముఖ టెక్ కంపెనీలు AI, క్లౌడ్, కార్పొరేట్ సేవల్లో భారీ పునర్వ్యవస్థీకరణ చేపట్టాయి. అమెజాన్ ఒక్కడే 14 వేల మందిని తొలగించగా, మొత్తం కోతలు 30 వేల వరకు వెళ్లే అవకాశం ఉంది. మొత్తంగా తొలగింపుల్లో 40% ఇంజినీరింగ్ మరియు టెక్ పోస్టులే ఉండటం AI, ఆటోమేషన్ ప్రభావాన్ని స్పష్టం చేస్తోంది.
రిటైల్–గిడ్డంగి రంగాల్లో భారీ ఉద్యోగ నష్టం
రిటైల్, గిడ్డంగి రంగాల్లో ఉద్యోగాల కోత వేగంగా పెరిగింది. రిటైల్ రంగంలో దాదాపు 90 వేల ఉద్యోగాలు, గిడ్డంగి రంగంలో కూడా 90 వేలకుపైగా ఉద్యోగాలు తగ్గాయి. ప్రభుత్వ రంగ సంస్థల్లో కూడా పరిస్థితి అధ్వాన్నంగా మారింది. అక్టోబర్ నాటికి 3 లక్షలకు పైగా ప్రభుత్వ ఉద్యోగాలు దశలవారీగా తొలగించబడ్డాయి. మహమ్మారి తర్వాత వేగంగా పెరిగిన ఈ రంగాలు ఇప్పుడు ఆర్థిక ఒత్తిడితో కుదింపు దశలోకి ప్రవేశించాయి. ఇది అమెరికా(USA) ఆర్థిక వ్యవస్థ మొత్తం ఒక పెద్ద మార్పు దశలో ఉందని సూచిస్తోంది.
ఉద్యోగ మార్కెట్ సంక్షోభం
ఈ భారీ ఉద్యోగ కోతలకు AI మరియు ఆటోమేషన్ కీలక కారణాలుగా మారాయి. నవంబర్లోనే 6,280కుపైగా ఉద్యోగాలు AI ప్రభావంతో కోల్పోయారు. 2025 మొత్తం AI కారణంగా తొలగించిన ఉద్యోగాల సంఖ్య 54 వేల దాటింది. కార్యకలాపాలను చురుకుగా మార్చడం, ఖర్చులు తగ్గించుకోవడం కోసం సంస్థలు AI వినియోగం వేగంగా పెంచుతున్నాయి. అయితే ఈ మార్పులు ముఖ్యంగా కార్పొరేట్, టెక్నికల్, కస్టమర్ సపోర్ట్ ఉద్యోగాల్లో భారీ దెబ్బతీశాయి. AI ఉత్పాదకతను పెంచుతున్నా, వేలాది కుటుంబాల ఉపాధి ప్రమాదంలో పడుతోంది.
Read hindi news: hindi.vaartha.com
Epaper: epaper.vaartha.com
Read Also:
