US snowstorm : అమెరికాను భారీ మంచు తుపాను అతలాకుతలం చేస్తోంది. టెక్సాస్ నుంచి న్యూ ఇంగ్లాండ్ వరకూ దాదాపు 2,000 మైళ్ల పరిధిలో ఈ తుపాను ప్రభావం చూపుతుండటంతో దేశవ్యాప్తంగా జనజీవనం స్తంభించింది. సుమారు 20 కోట్ల మందిపై ఈ వాతావరణ ప్రభావం పడగా, వాషింగ్టన్ డీసీతో పాటు 16కు పైగా రాష్ట్రాల్లో అత్యవసర పరిస్థితి (స్టేట్ ఆఫ్ ఎమర్జెన్సీ) ప్రకటించారు.
ఆర్కిటిక్ ప్రాంతం నుంచి వచ్చిన తీవ్ర శీతల గాలులు, శక్తివంతమైన తుపాను వ్యవస్థతో కలవడంతో భారీ హిమపాతం, గడ్డకట్టే వర్షం, స్లీట్ నమోదవుతున్నాయి. సదరన్ ప్లెయిన్స్, టెన్నెస్సీ వ్యాలీ, ఆగ్నేయ రాష్ట్రాల్లో కొన్ని ప్రాంతాల్లో విపత్తు స్థాయిలో మంచు పేరుకుపోయే ప్రమాదం ఉందని National Weather Service హెచ్చరించింది.
Read Also: Manoj Tiwary: కెప్టెన్ బాధ్యతలను రోహిత్ శర్మకు ఇవ్వాలి
ఈ మంచు తుపాను విమాన రాకపోకలను (US snowstorm) తీవ్రంగా ప్రభావితం చేసింది. ఫ్లైట్ అవేర్ సమాచారం ప్రకారం వారాంతంలో ఇప్పటివరకు 8,000కు పైగా విమాన సర్వీసులు రద్దయ్యాయి. ప్రధాన ఎయిర్లైన్స్ ప్రయాణ హెచ్చరికలు జారీ చేయగా, Federal Aviation Administration పలు విమానాశ్రయాల్లో కార్యకలాపాలు నిలిచిపోవచ్చని తెలిపింది.
గడ్డకట్టే వర్షం కారణంగా విద్యుత్ లైన్లు తెగిపోవడం, చెట్లు కూలిపోవడం వల్ల వేలాది మంది విద్యుత్ లేక ఇబ్బందులు పడుతున్నారు. టెక్సాస్లోనే సుమారు 20,000 మందికి పైగా కరెంట్ సరఫరా నిలిచింది. పరిస్థితిని ఎదుర్కొనేందుకు FEMA సహాయక బృందాలను రంగంలోకి దింపగా, పలు రాష్ట్రాల్లో నేషనల్ గార్డ్ దళాలను మోహరించారు. తుపాను సోమవారం వరకు కొనసాగవచ్చని, అత్యవసరమైతే తప్ప ప్రజలు బయటకు రావద్దని అధికారులు సూచిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
