US Iran Conflict: ఇరాన్ సైనిక చర్యల విషయంలో చిరకాల మిత్రదేశాలైన అమెరికా, ఇజ్రాయెల్ మధ్య తొలిసారిగా అభిప్రాయ భేదాలు తలెత్తినట్లు అంతర్జాతీయ విశ్లేషణలు వెలువడుతున్నాయి. ఇరాన్లోని దాదాపు 30 చమురు నిల్వ కేంద్రాల (Oil Depots) లక్ష్యంగా ఇజ్రాయెల్ మెరుపు దాడులు నిర్వహించడంపై అమెరికా ప్రభుత్వం అసహనం వ్యక్తం చేసినట్లు ‘ఆక్సియోస్’ (Axios) వార్తా సంస్థ వెల్లడించింది. ఇరు దేశాల మధ్య ఉన్న వ్యూహాత్మక ఒప్పందాలను కాదని ఇజ్రాయెల్ ఏకపక్షంగా భారీ దాడులకు దిగిందనే వాదనలు వినిపిస్తున్నాయి.
Read Also:Iran-Israel-US War: ముంచుకొస్తున్న 1970 చమురు సంక్షోభం..విలవిలలాడుతున్న పలు దేశాలు
30 ఆయిల్ డిపోల ధ్వంసంపై ట్రంప్ అసంతృప్తి
ముందుగా చర్చించిన ప్రణాళిక కంటే ఇజ్రాయెల్ అత్యంత తీవ్రస్థాయిలో విరుచుకుపడటంపై అమెరికా అధ్యక్షుడు డొనాల్డ్ ట్రంప్ అసంతృప్తిగా ఉన్నట్లు సమాచారం. చమురు డిపోలను ధ్వంసం చేయడం వల్ల అంతర్జాతీయంగా ఇంధన సంక్షోభం తలెత్తే అవకాశం ఉందని అమెరికా ఆందోళన చెందుతోంది. అయితే, ఇజ్రాయెల్ మాత్రం తన భద్రత దృష్ట్యా ఇరాన్ ఆర్థిక వనరులను దెబ్బతీయడం తప్పనిసరి అని వాదిస్తోంది.
అయినప్పటికీ, ఈ దాడుల వల్ల గ్లోబల్ మార్కెట్లో చమురు ధరలు పెరగడంపై ట్రంప్ కీలక వ్యాఖ్యలు చేశారు. ధరల పెరుగుదల అనేది కేవలం తాత్కాలికమేనని ఆయన అభిప్రాయపడ్డారు. ప్రపంచ శాంతిని స్థాపించడానికి మరియు అమెరికా ప్రయోజనాలను కాపాడుకోవడానికి కొంతమేర ఆర్థికపరమైన మూల్యం చెల్లించడం తప్పదని ఆయన స్పష్టం చేశారు. ఈ పరిణామాలు పశ్చిమాసియాలో యుద్ధం ఏ దిశగా సాగుతుందోననే ఉత్కంఠను రేకెత్తిస్తున్నాయి.
Read hindi news: hindi.vaartha.com
Epaper: epaper.vaartha.com
Read Also:
