Donald Trump : అమెరికా రాజకీయాల్లో అందరూ ఊహించని పరిస్థితి శుక్రవారం వైట్హౌస్లో కనిపించింది. నెలల తరబడి ఒకరిపై ఒకరు విమర్శలు చేసుకున్న డొనాల్డ్ ట్రంప్ మరియు న్యూయార్క్ మేయర్–ఎలెక్ట్ జోహ్రాన్ మమ్దాని, అడ్డుగా ఎదురెదురుగా నిల్చొని ప్రశంసలు పంచుకోవడం చూసి ప్రజలు షాక్ అయ్యారు.
వలసలు, ఆర్థిక విధానాలు, న్యూయార్క్ అభివృద్ధి (Donald Trump) అన్ని అంశాలపై ఘాటు విమర్శలు చేసుకున్న ఈ ఇద్దరు, ఒవల్ ఆఫీస్లో ఒకే వేదికపై నిలబడినప్పుడు పూర్తిగా భిన్నమైన వాతావరణం కనిపించింది. ఒక దశలో మమ్దానిని “100% కమ్యూనిస్టు పిచ్చివాడు” అని పిలిచిన ట్రంప్, ఇప్పుడు అతడిని “వాస్తవికంగా ఆలోచించే వ్యక్తి”గా అభివర్ణించడం పెద్ద చర్చకు దారితీసింది.
“మమ్దాని కన్జర్వేటివ్స్ను కూడా సర్ప్రైజ్ చేస్తాడు” — ట్రంప్
మీడియా ఎదుట మాట్లాడిన ట్రంప్, “అతను చాలా మందిని ఆశ్చర్యపరుస్తాడు. మనిద్దరికి ఊహించిన దానికంటే ఎక్కువ సామ్యాలున్నాయి. మన ఇద్దరం న్యూయార్క్ మంచి ప్రదేశం కావాలని కోరుకుంటాం” అని అన్నారు.
ట్రంప్ చెప్పిన ఈ మాటలు రాజకీయ విశ్లేషకులను మాత్రమే కాదు, సోషల్ మీడియాలోను రచ్చ రేపాయి.
Read also: Niki Fitness: నికీ ప్రసాద్ ఫిట్నెస్ సంచలనం
ఫాసిస్టు వ్యాఖ్యపై ప్రశ్న — ట్రంప్ వెంటనే తలదూర్చాడు
జర్నలిస్టులు మమ్దానిని అడిగిన తొలి ప్రశ్న —
“మీరు ట్రంప్ను ఫాసిస్టు అన్న మాటపై ఇంకా నిలబడి ఉన్నారా?”
అయితే మమ్దాని జవాబు ఇవ్వక ముందే ట్రంప్ మాటలోకి వచ్చి,
“నన్ను ఇంతకన్నా చెడ్డ పేర్లతో పిలిచారు. పర్వాలేదు. మనం కలిసి పని చేసిన తర్వాత ఇతని అభిప్రాయం మారిపోతుంది” అంటూ నవ్వులు పూయించాడు.
పునరావృతంగా జరిగిన ప్రశ్నలకు కూడా ట్రంప్ మమ్దాని తరఫునే సమాధానం ఇస్తూ,
“సరే, ‘Yes’ అని చెప్పేయొచ్చు. నాకు ఎలాంటి అభ్యంతరం లేదు” అని చెప్పాడు.
ఒక రిపోర్టర్ మమ్దానిని “జిహాదీనా?” అని అడిగినప్పుడు కూడా ట్రంప్ వెంటనే స్పందించి,
“ఎట్టి పరిస్థితుల్లో కాదు. అతను చాలా రేషన్ల్, అర్థం చేసుకుని మాట్లాడే వ్యక్తి” అని సమాధానమిచ్చాడు.
మమ్దాని స్పందన: “ఎదురుచూసింది కాదు, కానీ మంచి మీటింగ్”
మమ్దాని కూడా సమావేశంపై సాఫ్ట్ టోన్లో మాటలాడుతూ,
“మన ఇద్దరికీ విభేదాలు చాలానే ఉన్నా, అధ్యక్షుడు చర్చను ఆ దిశగా తీసుకుపోలేదు. న్యూయార్క్ ప్రజల కోసం కలిసి పనిచేయాలన్న ఉద్దేశ్యంపై ఎక్కువ దృష్టి పెట్టాం” అని చెప్పారు.
“ఇది ఏం జరిగింది అసలు?” — అమెరికా రాజకీయవర్గాల్లో షాక్
డెమోక్రాట్స్ మాత్రమే కాదు, రిపబ్లికన్స్ కూడా ఈ పరిణామంపై ఆశ్చర్యపోయారు.
మిచిగాన్ రిప్రజెంటేటివ్ రషీద త్లయిబ్ సోషల్ మీడియాలో షేర్ చేస్తూ,
“ఇది ఏం జరిగిందిరా?” అని ప్రశ్నించింది.
స్టాటెన్ ఐలాండ్ రిపబ్లికన్ నికోల్ మాలియోటాకిస్ వ్యాఖ్య:
“ఇది పూర్తిగా బ్రోమాన్స్ లా కనిపించింది”.
కొంతమంది ట్రంప్ ఇటువంటి టోన్లో మాట్లాడడం వల్ల న్యూయార్క్లోకి ఫెడరల్ జోక్యం ఉండదని వ్యాఖ్యానించారు.
సోషల్ మీడియాలో మీమ్స్ వరద
సోషల్ మీడియా ఈ “ట్రంప్–మమ్దాని బడ్డీ మోమెంట్స్” పై మీమ్స్తో దద్దరిల్లింది.
“ట్రంప్ మమ్దానిని చూసే చూపు లాంటి చూపుతో మీను చూసే వ్యక్తిని కనుగొనండి”
అని ఒకరు కామెంట్ చేయగా,
“మమ్దాని దగ్గరి నుంచి పంది మాంసం తప్ప ఇది పెద్దదే”
అని మరోవ్యక్తి సరదాగా రాశాడు.
కొంతమంది “ట్రంప్ ఇప్పుడు కమ్యూనిస్టవుతాడు” అంటూ జోకులు వేశారు.
Read hindi news: https://hindi.vaartha.com
Epaper : https://epaper.vaartha.com/
Read also :
