Trump Gold Card : అమెరికా అధ్యక్షుడు డొనాల్డ్ ట్రంప్ తన ఎన్నాళ్లనుంచి ప్రకటిస్తున్న ప్రత్యేక వీసా పథకం అయిన గోల్డ్ కార్డ్ను అధికారికంగా ప్రారంభించారు. ఈ పథకం కింద వ్యక్తులు ఒక మిలియన్ డాలర్లు చెల్లిస్తే, వారికి అమెరికాలో చట్టబద్ధమైన నివాస హక్కు మరియు భవిష్యత్తులో పౌరసత్వం పొందే అవకాశం లభిస్తుంది. సంస్థలు తమ విదేశీ ఉద్యోగుల కోసం రెండు మిలియన్ డాలర్లు చెల్లించాల్సి ఉంటుంది.
వైట్ హౌస్లో వ్యాపార నాయకులతో కలిసి ట్రంప్ ఈ పథకాన్ని ప్రకటించగా, దరఖాస్తులకు ప్రత్యేక వెబ్సైట్ను కూడా ప్రారంభించారు. ఇది 1990లో వచ్చిన EB 5 వీసా పథకానికి ప్రత్యామ్నాయంగా తీసుకొచ్చినదిగా ట్రంప్ పేర్కొన్నారు. అప్పటి EB 5 వీసాలు కనీసం పది మందికి ఉద్యోగాలు కల్పించే ధోరణిలో ఒక మిలియన్ డాలర్లు పెట్టుబడి పెట్టిన వారికి లభించేవి.
Latest News: Rajahmundry: 9 ఫ్లైట్లు యథావిధిగా: రాజమహేంద్రవరం విమానాశ్రయం డైరెక్టర్ ప్రకటన
ట్రంప్ ప్రకారం, గోల్డ్ కార్డ్ అమెరికాకు అత్యుత్తమ (Trump Gold Card) ప్రతిభను ఆకర్షించడమే కాకుండా ప్రభుత్వానికి భారీ ఆదాయం తెచ్చిపెడుతుందని భావిస్తున్నారు. ఈ పథకం ద్వారా వచ్చే మొత్తం డబ్బు ట్రెజరీ డిపార్ట్మెంట్ నిర్వహించే ప్రత్యేక నిధికి చేరుతుందని ఆయన తెలిపారు.
ట్రంప్ గోల్డ్ కార్డ్ను గ్రీన్ కార్డ్ కంటే మెరుగైనదిగా పేర్కొన్నారు. ఇది శాశ్వత నివాస హక్కు మరియు పౌరసత్వానికి మరింత సులభమైన మార్గం అని ఆయన అన్నారు. అమెరికాలోని ప్రముఖ విశ్వవిద్యాలయాల్లో చదువుతున్న విదేశీ విద్యార్థులను కంపెనీలు నియమించుకోవడంలో ఎదురయ్యే సమస్యలను పరిష్కరించడంలో గోల్డ్ కార్డ్ కీలకమని ట్రంప్ వ్యాఖ్యానించారు.
కామర్స్ కార్యదర్శి హోవర్డ్ లుట్నిక్ ప్రకారం, ప్రతి దరఖాస్తుదారుని నేపథ్యాన్ని ఖచ్చితంగా పరిశీలించడానికి పథకం కింద అదనంగా పదిహేనువేల డాలర్లు ఛార్జ్ చేయబడతాయి. ఈ పథకం వల్ల అమెరికాకు అత్యుత్తమ నైపుణ్యం ఉన్న వ్యక్తులు వస్తారని ఆయన పేర్కొన్నారు.
ప్రపంచంలోని అనేక దేశాలు ఇప్పటికే ఇలాంటి గోల్డెన్ వీసాలను అందిస్తున్నాయని, ఇప్పుడు అమెరికా కూడా అత్యుత్తమ పెట్టుబడిదారులను ఆహ్వానించే దిశగా అడుగు వేసిందని ట్రంప్ అన్నారు. చైనా, భారత్, ఫ్రాన్స్ వంటి దేశాల అగ్రశ్రేణి విద్యార్థులు ఈ గోల్డ్ కార్డ్ కోసం ప్రధాన అర్హులవుతారని ఆయన వెల్లడించారు.
Read hindi news: hindi.vaartha.com
Epaper : epaper.vaartha.com
Read also :
