అమెరికాకు వెళ్లాలనుకునేవారికి తాజా పరిణామాలు షాకిస్తున్నాయి. ట్రంప్ ప్రభుత్వం ఇటీవల తీసుకొచ్చిన కొత్త సోషల్ మీడియా వెట్టింగ్ పాలసీ కారణంగా భారతీయ హెచ్1బీ (H-1B) దరఖాస్తుదారుల్లో గందరగోళం ఏర్పడింది. ఈ కొత్త పాలసీ ప్రభావంతో, వీసా అపాయింట్మెంట్లు వచ్చే ఏడాదికి వాయిదా పడ్డాయి, ఈ విషయాన్ని భారత్లోని అమెరికా రాయబార కార్యాలయం ప్రకటించింది.
Read Also: Trump: మరోసారి బలమైన ఆర్థిక వ్యవస్థను నిర్మిస్తా
వీసా అపాయింట్మెంట్ల వాయిదా మరియు విస్తృత పరిశీలన
ఈ ఏడాది డిసెంబర్ మధ్యలో జరగాల్సిన వీసాదారుల ఇంటర్వ్యూలు వచ్చే ఏడాది మార్చికి వాయిదా పడినట్లు తెలుస్తోంది. అయితే ఎంతమంది వీసాదారులకు ఈ వాయిదా వర్తించింది అనేదానిపై స్పష్టత లేదు. ఇదిలా ఉండగా, ట్రంప్ యంత్రాంగం H1B వీసా (Visa) దరఖాస్తులతో పాటు H4 వీసాల పరిశీలన మరియు వెట్టింగ్ చర్యలను కూడా మరింతగా విస్తరించింది.
దరఖాస్తుదారులు తమ సోషల్ మీడియా ఖాతాలను ప్రైవేట్ నుంచి పబ్లిక్ అకౌంట్లోకి మార్చాలని ఆదేశాలు జారీ చేసింది. డిసెంబర్ 15 నుంచి అధికారులు ఈ ఖాతాలను పరిశీలిస్తారు. వారి సోషల్ మీడియా కార్యకలాపాల్లో అమెరికా ప్రజల భద్రతకు ముప్పు కలిగించే అంశాలు ఉన్నట్లు తేలితే వారికి H1B వీసా మంజూరును రద్దు చేస్తారు. ఈ నిబంధన విద్యార్థులు మరియు ఎక్స్ఛేంజ్ విజిటర్లకు కూడా వర్తించనుంది.
H-1B వీసా ఫీజు పెంపు మరియు ఇతర ఆంక్షలు
ఈ ఏడాది సెప్టెంబర్లో ట్రంప్ (Trump) ప్రభుత్వం హెచ్1బీ వీసా ధరలను ఏకంగా లక్ష డాలర్లకు పెంచిన సంగతి తెలిసిందే, దీంతో కొత్తగా అమెరికా వెళ్లేవారికి ఈ ఫీజులు ఆర్థికంగా భారంగా మారనున్నాయి.
ఇటీవల వాషింగ్టన్లో ఇద్దరు నేషనల్ గార్డులపై ఆఫ్ఘనిస్తాన్కు చెందిన ఒక వ్యక్తి కాల్పులు జరిపిన దుర్ఘటన తర్వాత అమెరికా 19 దేశాలపై ప్రయాణ ఆంక్షలు విధించింది. ఆ దేశాలకు గ్రీన్కార్డు, అమెరికా పౌరసత్వం, ఇతర ఇమ్మిగ్రేషన్ విధానాలను నిలిపివేసింది.
85 వేల వీసాలు రద్దు: యూఎస్ డిపార్ట్మెంట్ ఆఫ్ స్టేట్ ప్రకటన
మరోవైపు, ఈ ఏడాది జనవరి నుంచి ఇప్పటివరకు మొత్తం 85 వేల వీసాలను రద్దు చేసినట్లు తాజాగా ట్రంప్ యంత్రాంగం ప్రకటించింది. ఈ వివరాలను యూఎస్ డిపార్ట్మెంట్ ఆఫ్ స్టేట్ తన ‘ఎక్స్’ (గతంలో ట్విట్టర్) ఖాతాలో వెల్లడించింది.
Read hindi news: hindi.vaartha.com
Epaper : epaper.vaartha.com
Read Also:
