భారత్-అమెరికా మధ్య కుదిరిన చారిత్రాత్మక వాణిజ్య ఒప్పందం (Trade Deal) ఇప్పుడు పొరుగు దేశమైన పాకిస్థాన్లో పెను సంచలనానికి దారితీసింది. ప్రధాని మోదీ నాయకత్వంలోని భారత ప్రభుత్వం, డొనాల్డ్ ట్రంప్ యంత్రాంగంతో జరిపిన చర్చలు సఫలమై, భారత ఉత్పత్తులపై సుంకాల తగ్గింపు వంటి కీలక ప్రయోజనాలను సాధించడంపై పాక్ ప్రజలు విస్మయం వ్యక్తం చేస్తున్నారు. భారత నాయకత్వం తన దేశం దాటకుండానే, దౌత్యపరమైన వ్యూహాలతో అమెరికాను ఒప్పించి అద్భుతమైన డీల్ కుదుర్చుకుందని, ఇది భారత విదేశాంగ విధానానికి దక్కిన గొప్ప విజయమని పాకిస్థానీయులు సోషల్ మీడియా వేదికగా కొనియాడుతున్నారు.
CM Revanth : రేవంత్ భాషను తప్పు పట్టిన కేటీఆర్
అదే సమయంలో, ఈ ఒప్పందం పాక్ ప్రధాని షెహబాజ్ షరీఫ్ ప్రభుత్వంపై తీవ్ర విమర్శలకు దారితీసింది. ట్రంప్ను మెప్పించేందుకు పాక్ ప్రభుత్వం ఆయనను ‘నోబెల్ శాంతి బహుమతి’కి నామినేట్ చేసినా, వాణిజ్యపరంగా ఎటువంటి పురోగతి సాధించలేకపోవడంపై అక్కడి ప్రజలు ఆగ్రహం వ్యక్తం చేస్తున్నారు. అంతర్జాతీయ స్థాయిలో గౌరవం అనేది చేతలతో సంపాదించుకోవాలే తప్ప, ఇలాంటి ప్రార్థనలు లేదా నామినేషన్లతో కొనలేమని పాక్ పౌరులు తమ ప్రభుత్వాన్ని ఎండగడుతున్నారు. భారత్ సాధించిన ప్రగతిని చూసైనా పాక్ పాలకులు కళ్లు తెరవాలని వారు డిమాండ్ చేస్తున్నారు.
ముఖ్యంగా అమెరికా అధ్యక్షుడు డొనాల్డ్ ట్రంప్ దృష్టిలో పాకిస్థాన్ స్థానంపై అక్కడి ప్రజల్లో తీవ్ర అసంతృప్తి నెలకొంది. తమ దేశాన్ని కేవలం అవసరానికి వాడుకుని వదిలేసే ఒక ‘ఉంపుడుగత్తె’లా లేదా చట్టవిరుద్ధమైన పనులు చేసే దేశంగా ట్రంప్ చూస్తున్నారని పాక్ మేధావులు ఆవేదన వ్యక్తం చేస్తున్నారు. భారత్ను ఒక సమాన హోదా కలిగిన భాగస్వామిగా అమెరికా గౌరవిస్తుంటే, పాకిస్థాన్ను మాత్రం ఒక అస్థిరమైన దేశంగా పరిగణించడం తమ దౌత్య వైఫల్యమేనని వారు మండిపడుతున్నారు. ఈ ట్రేడ్ డీల్ ద్వారా భారత్ అంతర్జాతీయ యవనికపై తన ముద్రను మరోసారి బలంగా చాటుకుంది.
Read hindi news: hindi.vaartha.com
Read Also Epaper : epaper.vaartha.com
