Nicolas Maduro: కరేబియన్ సముద్రంలో(Caribbean Sea) ఒక్కసారిగా అంతర్జాతీయ ఉద్రిక్తతలు పెరిగాయి. ప్రపంచంలోనే అత్యధిక చమురు వనరులు కలిగిన వెనుజువెలా చుట్టూ అమెరికా భారీ ఎత్తున సైన్యాన్ని మోహరించింది. ఆధునిక యుద్ధ నౌకలు, సబ్మెరైన్లు, ఫైటర్ జెట్లతో ఆ దేశాన్ని చుట్టుముట్టడంతో ఎప్పుడైనా దాడి జరిగే అవకాశం ఉందన్న ఆందోళనలు వ్యక్తమవుతున్నాయి. ఏడు యుద్ధాలను ఆపానని చెప్పుకొనే అమెరికా అధ్యక్షుడు డొనాల్డ్ ట్రంప్, ఇప్పుడు వెనుజువెలాపై దృష్టి సారించడం చర్చనీయాంశమైంది.
వెనుజువెలా చుట్టూ అమెరికా భారీ సైనిక మోహరింపు
అమెరికా ప్రకటన ప్రకారం, వెనుజువెలా నుంచి డ్రగ్స్ ముఠాలు తమ దేశంలోకి ప్రవేశిస్తున్నాయని, వాటిని అరికట్టడమే ఈ సైనిక చర్య లక్ష్యమని పేర్కొంది. మదకద్రవ్యాల రవాణాలో వెనుజువెలా అధ్యక్షుడు నికోలస్ మదురోకూ సంబంధాలున్నాయని ఆరోపిస్తూ, ఆయన ఆచూకీ తెలిపిన వారికి 50 మిలియన్ డాలర్ల బహుమతి ప్రకటించింది. ఇటీవల ట్రంప్ మదురో ప్రభుత్వానికి రోజులు లెక్కపట్టాయని హెచ్చరించడమే ఈ అనుమానాలకు మరింత బలం చేకూర్చింది.
అయితే అంతర్జాతీయ విశ్లేషకులు మాత్రం అమెరికా వాదనలను ఖండిస్తున్నారు. డ్రగ్స్ మాఫియాపై పోరాటం కాదని, వెనుజువెలాలోని అపారమైన చమురు నిల్వలపై నియంత్రణ సాధించడమే అసలు ఉద్దేశమని వారు పేర్కొంటున్నారు. ఇప్పటికే ఆర్థిక సంక్షోభం, రాజకీయ అస్థిరతతో వెనుజువెలా కుదేలైపోయిన ఈ సమయంలో అమెరికా ఈ అవకాశాన్ని సద్వినియోగం చేసుకుంటోందన్న విమర్శలు వెల్లువెత్తుతున్నాయి.
సైనిక శక్తిని ప్రదర్శించి ప్రత్యర్థులను బెదిరించే “గన్బోట్ డిప్లమసీ”(Gunboat Diplomacy) ట్రంప్కి కొత్తది కాదని, అయితే ఈసారి ప్రత్యక్ష సైనిక చర్యకు దిగడం ఆందోళన కలిగిస్తున్నదని నిపుణులు చెబుతున్నారు. ఈ పరిణామాలను గమనిస్తున్న ప్రపంచ దేశాలు అమెరికా ఆచితూచి వ్యవహరించాలని సూచిస్తున్నాయి. ఉద్రిక్తతలు కొనసాగితే కరేబియన్ ప్రాంతంలో తీవ్రమైన పరిణామాలు తప్పవని హెచ్చరిస్తున్నారు.
అమెరికా వెనుజువెలా చుట్టూ సైన్యం ఎందుకు మోహరించింది?
అమెరికా ప్రకారం, వెనుజువెలా నుంచి డ్రగ్స్ ముఠాలు తమ దేశంలోకి ప్రవేశిస్తున్నాయని, వాటిని అరికట్టడమే ప్రధాన ఉద్దేశమని తెలిపింది.
వెనుజువెలా అధ్యక్షుడు మదురోపై ఆరోపణలు ఏమిటి?
ఆయనకు డ్రగ్స్ మాఫియాతో ప్రత్యక్ష సంబంధాలున్నాయని అమెరికా ఆరోపించింది.
Read hindi news: hindi.vaartha.com
Read also:
