Mia O’Brien-ఉన్నత చదువులు చేసి మంచి భవిష్యత్తు నిర్మించుకోవాల్సిన యువతి జీవితం ఒక చిన్న పొరపాటుతో తారుమారైంది. న్యాయశాస్త్రం చదువుతున్న 23 ఏళ్ల బ్రిటిష్ విద్యార్థిని మియా ఒబ్రెయిన్ డ్రగ్స్ కేసులో దుబాయ్లో అరెస్ట్(Dubai Arrest) కావడంతో ఆమె జీవితంలో భారీ మార్పు చోటుచేసుకుంది. ప్రస్తుతం ఆమె దుబాయ్ సెంట్రల్ జైలులో శిక్ష అనుభవిస్తోంది.
మియా ఒబ్రెయిన్కు యావజ్జీవ శిక్ష
లివర్పూల్కు చెందిన మియా ఒబ్రెయిన్ న్యాయ విద్యార్థిని. గతేడాది అక్టోబర్లో దుబాయ్లో ఆమెను పోలీసులు అరెస్ట్ చేశారు. తాజాగా కోర్టు ఆమెకు యావజ్జీవ కారాగార శిక్ష(Life imprisonment) విధించింది. మియా తల్లి డేనియల్ మెకెన్నా (46) తన కుమార్తె పరిస్థితిపై కన్నీటి పర్యంతమవుతున్నారు. “నా కుమార్తె జీవితంలో ఎప్పుడూ తప్పు చేయలేదు. చెడు స్నేహితుల ప్రభావంతో ఒక తప్పిదం చేసి ఇప్పుడు దీని మూల్యం చెల్లించుకుంటోంది” అని ఆమె ఆవేదన వ్యక్తం చేశారు.
కేసు వివరాలు మరియు ఆర్థిక సమస్యలు
మీడియా రిపోర్టుల ప్రకారం, మియా వద్ద అధికారులు సుమారు 50 గ్రాముల క్లాస్-ఏ డ్రగ్స్ స్వాధీనం చేసుకున్నారు. వాటి విలువ సుమారు 2,500 పౌండ్లు (సుమారు రూ.3 లక్షలు)గా అంచనా. మియాకు సహాయం చేసేందుకు ఆమె తల్లి ‘గోఫండ్మీ’ ద్వారా నిధుల సేకరణ ప్రారంభించారు. అయితే, ఆ ప్లాట్ఫాం నిబంధనలకు విరుద్ధమని పేర్కొంటూ ఆ క్యాంపెయిన్ను తొలగించారు. యునైటెడ్ అరబ్ ఎమిరేట్స్లో చట్టాలు అత్యంత కఠినంగా అమలవుతాయి. అక్కడ జీవిత ఖైదు అంటే 15 నుండి 25 ఏళ్ల వరకు జైలు శిక్ష. డ్రగ్స్ అక్రమ రవాణా, హత్య, మానవ అక్రమ రవాణా, ఉగ్రవాద చర్యల వంటి తీవ్రమైన నేరాలకు ఇలాంటి శిక్షలు విధిస్తారు. ఈ కేసు కారణంగా మియా ఒబ్రెయిన్ భవిష్యత్తు అనిశ్చితిలో పడింది.
మియా ఒబ్రెయిన్ ఎవరు?
మియా ఒబ్రెయిన్ లివర్పూల్కు చెందిన 23 ఏళ్ల లా విద్యార్థిని.
ఆమెను దుబాయ్లో ఎందుకు అరెస్ట్ చేశారు?
డ్రగ్స్ కేసులో చిక్కుకోవడంతో ఆమెను గతేడాది అక్టోబర్లో అరెస్ట్ చేశారు.
Read hindi news:hindi.vaartha.com
Read also:
