Riyadh Airport Attacks: సౌదీకి ఎవరూ వెళ్లకండి.. పౌరులకు పలు దేశాలు కీలక ఆదేశాలు జారీ

Riyadh Airport Attacks: సౌదీ అరేబియాలోని కీలక విమానాశ్రయాలపై హౌతీ తిరుగుబాటుదారులు జరిపిన వరుస క్షిపణి, డ్రోన్ దాడులతో మధ్యప్రాచ్యంలో తీవ్ర ఉద్రిక్తతలు చెలరేగాయి. సౌదీ (Soudi) రాజధాని రియాద్‌లోని కింగ్ ఖాలిద్ అంతర్జాతీయ విమానాశ్రయంపై ఇటీవల జరిగిన శక్తివంతమైన దాడులలో భారీ ప్రాణనష్టం సంభవించింది. కేవలం రెండు రోజుల వ్యవధిలో జరిగిన ఈ వరుస దాడుల్లో దాదాపు 25 మందికి పైగా పౌరులు ప్రాణాలు కోల్పోగా, వందలాది మంది తీవ్రంగా గాయపడ్డారు. దశాబ్దానికి పైగా కాలంలో ఆ రాజ్యంపై జరిగిన అత్యంత ఘోరమైన, విధ్వంసకర దాడిగా ఇది నిలిచింది. ఈ భయానక పరిణామాల నేపథ్యంలో గ్లోబల్ విమానయాన రంగం అతలాకుతలం కాగా, రియాద్, దమ్మామ్, జిజాన్ విమానాశ్రయాల కార్యకలాపాలు పూర్తిగా నిలిచిపోయాయి. వందలాది అంతర్జాతీయ విమానాలు రద్దు కావడం లేదా దారి మళ్లించబడటంతో ప్రయాణీకులు తీవ్ర ఇబ్బందులను ఎదుర్కొంటున్నారు.

Riyadh Airport Attacks : పౌరుల కోసం అత్యవసర ప్రయాణ హెచ్చరికలను (ట్రావెల్ అడ్వైసరీలు) జారీ

ఈ తీవ్ర భద్రతా సంక్షోభం కారణంగా భారత్, అమెరికా, బ్రిటన్, కెనడా, ఆస్ట్రేలియా, న్యూజిలాండ్, దక్షిణ కొరియా, జపాన్ వంటి ప్రముఖ దేశాలు తమ పౌరుల కోసం అత్యవసర ప్రయాణ హెచ్చరికలను (ట్రావెల్ అడ్వైసరీలు) జారీ చేశాయి. సౌదీ అరేబియాలోని విమానాశ్రయాలకు దూరంగా ఉండాలని, అత్యవసరమైతే తప్ప అనవసరమైన ప్రయాణాలను పూర్తిగా నివారించాలని ఆయా దేశాలు తమ పౌరులను గట్టిగా కోరాయి. ముఖ్యంగా రియాద్, నజ్రాన్, జాజాన్, అసిర్ ప్రావిన్సులకు ప్రయాణించవద్దని హెచ్చరించాయి.