New Year attack plot: అమెరికాలో న్యూ ఇయర్ సందర్భంగా భారీ దాడి చేయాలనే పథకాన్ని అధికారులు అడ్డుకున్నారు. ఈ కేసులో ఉత్తర కరోలైనాకు చెందిన 18 ఏళ్ల యువకుడు క్రిస్టియన్ స్టర్డివెంట్ను FBI అరెస్ట్ చేసింది. అతడు కిరాణా దుకాణం మరియు బర్గర్ కింగ్ ఫాస్ట్ ఫుడ్ రెస్టారెంట్లో ప్రజలపై దాడి చేయాలని ప్లాన్ చేశాడని అధికారులు వెల్లడించారు.
దర్యాప్తు ప్రకారం, స్టర్డివెంట్ 2022 నుంచే ఎఫ్బీఐ నిఘాలో ఉన్నాడు. డిసెంబర్ మధ్యలో అతడు తాను ఐసిస్ సభ్యుడని భావించిన వ్యక్తితో సంప్రదించాడు. అయితే ఆ వ్యక్తి నిజానికి NYPDకి చెందిన అండర్కవర్ అధికారి. ఆ సంభాషణల్లో స్టర్డివెంట్ ISISకు విధేయత ప్రకటించి, త్వరలో “జిహాద్ చేయబోతున్నాను” అని చెప్పాడు.
డిసెంబర్ 29న అతడి ఇంట్లో తనిఖీలు చేయగా, ‘New Year attack plot 2026’ అనే శీర్షికతో చేతిరాతలో రాసిన డాక్యుమెంట్ లభించింది. అందులో వీలైనంత మంది పౌరులను కత్తులతో దాడి చేయాలన్న లక్ష్యం ఉన్నట్లు పోలీసులు తెలిపారు. ముఖ్యంగా ముస్లింకాని వారు, LGBTQ వర్గాలు, యూదులు మరియు క్రైస్తవులను లక్ష్యంగా చేసుకోవాలని రాసి ఉన్నట్లు వెల్లడైంది.
Read also: Palnadu crime: దారుణం.. రోకలి బండతో కొట్టి చంపిన భర్త
ఇల్లు తనిఖీ సమయంలో స్టర్డివెంట్ బెడ్ కింద నుంచి రెండు హామర్లు, రెండు బుచర్ కత్తులు స్వాధీనం చేసుకున్నారు. అంతేకాకుండా టాక్టికల్ గ్లౌవ్స్, వెస్ట్ వంటి సామగ్రి కూడా దొరికింది. డిసెంబర్ 14న అతడు ఈ ఆయుధాలను చూపిస్తూ ఒక వీడియోను కూడా అండర్కవర్ అధికారికి పంపినట్లు అధికారులు తెలిపారు.
విదేశీ ఉగ్రవాద సంస్థకు సహకరించేందుకు ప్రయత్నించాడనే ఆరోపణలపై స్టర్డివెంట్పై కేసు నమోదు చేశారు. అతడు ఇప్పటికే కోర్టులో తొలి విచారణకు హాజరయ్యాడు మరియు ప్రస్తుతం ఫెడరల్ కస్టడీలో ఉన్నాడు. దోషిగా తేలితే అతడికి గరిష్టంగా 20 ఏళ్ల జైలు శిక్ష పడే అవకాశం ఉంది.
Read hindi news: hindi.vaartha.com
Epaper: epaper.vaartha.com
Read Also:
